زواج متقف

البارت 46

للي على غفلة و فرمشة عين خشا راسها لداخلو...حتى تكفح الما خارجو...و هي كاتنتر و تفركل ليه...حاسا بروحها غاتزهق...و نفس كايتقطع ليها...مكايطلع ليها راسها حتى كاتشوف الموت قبالة عينيها...و هو بكل برودة نفس كايخشي راسها للداخل حتى تشبع الما و كايحس بيها بدات تخنق و يطلعو ليها...مستمتع بحالتها و هي بهاد الشكل...ما مراعيش لشهقاتها لكاتقطع فالقلب...و لا لحالتها و هي بهاد الشكل...و هي عاد خرجات من الكلينيك...او بالاحرى داير راسو ممسوقش باش ما يحنش فيها...و يخليها تعلم تحتارمو...

            ••فالتــحــت...

غواتهم وصل لسميحة للي كانت ݣالسا كاتراضي فحسناء و تسكتها...قلبها قفز بالخلعة و ناضت جمعات الوقفة دغيا كتولول...خوف عليها لا يقتلها و يطيح روح...طلعات دغيا كاتزرب فخطواتها فالدروج تا وقفات قدام الغرفة...لقاتها محلولة شويا دخلات دغيا كاتقلب عليهم بعينيها... حتى توقفو فالحمام موسعاهم للحد بالصدمة ...و منظر ولدها و هو غاطس راس ساريتا الداخل ...و هي كاتفركل فبلاصتها خلعاتها... يالاه بغات تزيد خطوة تدخل لعندهم.... و هو يوقفو صوتو الجوهري...

دراغون:الوالييييدة...بررربي و تقربي لهنا ما نعقل عليك...

سميحة:(نطقات بخوف و هي و ما ترضاها لبنتها و المنظر ضرها فخاطرها)أ ولدي الله يرضي عليك...و بمحبتي عندك طلقها..غاتقتل البنت...

دراغون:(ضار لعندها بنظرات غير مفهومين)الواليدااااا كانحذرررررك تخررررجي كانحذرررك...

سميحة شافت حتى عيات و ما لقات ما دير...و هي تحني الراس خارجة من الغرفة...و قلبها كايضرها من جيهة ساريتا...واخا دارت للي دارت كاتبقا بنت صاحبتها الروح بالروح...و كانت ساريتا معتابراها بنتها...عارفا ولدها شاداه نوبة غضب مغاتمشي لما فرغو فشي بلاصة...و هاد البلاصة لقاها هي ساريتا...

ساريتا للي بدات تعيا وصبرها بدا ينفذ و قوتها بدات تنفذ من عصبيتو...حس بيها بدات تستاسلم للأمر الواقع...و حركتها بدات تقل...حس بالبرودة طالعا معاه و عاد وعا بللي كان غايدير...حط دغيا يد على كرشها محاوطها و يد هز ليها راسها...حتى بدات  تكحب بصوت عالي و عينيها شبه مفتوحين...راخيا ذاتها على الاخير فقط دراغون لكان شادها بقبضتو متحكم فوقفتها...ملصقها معاه ما مسوقش واش يعمر بالما ولا لا...

دراغون:(تحنى بوجهو حدا وذنيها ..نطق بصوت خافت فيه نوع من الخوف)تنفسي مزيان...

ساريتا دارت للي قاليها...الاهم تولي بخير...حطات راسها على صدرو بإهمال... مطلعاه الفوق...كاتنفس بجهد و كاتاخد ما امكن كمية من الاوكسيجين...نطقات بصوت مبحوح بالكاد كايتسمع...

ساريتا:كحكح مغانساهاش ليك...

دراغون:(خشا راسو فعنقها و نفس سخون كايضرب فيها)و انا كانتسنا ما عندك أناكوندتي الصغيرة...

ساريتا:(صدرها كايطلع و ينزل)غاندمك..

دراغون:(طبع قبلة سخونة فعنقها حتى حس برجفتها)كانتسناك...

قال كلامو و هزها بين يديه و عينيه عليها...و هي مرخية مرة تسد عينيها و مرة تحلهم...و التعب باين فوجهها...مشا نيشان حطها فوق السرير...و تاجه للماريو حلو و هز تريكو بالكول  سخون ...وداز هز فوطة و رجع لعندها...و هي عاد طلع معاها البرد...كاترجف فبلاصتها و مقادراش تحرك يديها ولا رجليها...كاتحس بذاتها ثقيلة عليها...