الفـصـــل الثـاني:ما خــلف الأقــعنة🍷👄
[ما تــخـرجــي... مــن قـلبــي ...الا و نــتــي... فـكـفــن]
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 81
حطها على السرير بشويا..و هو ما مستاحملش يشوفها كاتألم بهاد الشكل...قلب أدراجو للحمام و هي كاترعد فبلاصتها و دموع نازلين من عينيها...غاتكذب الى قالت مشافتش الموت بعينيها اليوم ....غاتكذب الى قالت تمنات الله ياخدها و ترتاح و لا عيشتها معاه...و أعصابو كايخويوهم فيها فكل مرة حتى يوصلها للموت...حتى هي بشر كاتحس واخا تكون لي دارتما يوصلهاش لهاد الحال...مدام هي معتارفة بغلطها خاص يتفهمها و يتفهم انذاك صغر سنها...
قلبات نظراتها لجيهتو و هو جايب صنيديقة صغيرة عاقدهم...بلا ما يشوف فيها و يضعاف أمامها مقصح قلبو... حلو هاز منها البوماضة و بدا يدهن فالجروح ...و معاها كايعلاو صرخاتها المتألمة لي تهرس الحجر...و فكل مرة كاتحس بالضو ضربها و الوجع كايتضاعف...حتى مقدراتش تصبر و حطات يدها فوق يدو حابساه...ناطقة لا اراديا مخسرة سيفتها ...ساريتا:ايي بشويا قصحتيني...
دراغون:[رفع راسو ليها جابت ليه الضحكة بالطريقة باش قالتها]ما تزربيش ...وفري كلامك ملي..[سكت غامزها و هي فهماتو اش بغا يقصد]
ملي سالا رفع راسها بشويا تحت شوفاتها ليه...ضمد جرحها حابس الدم...دار ليها الفاصما و حط الصنيديقة...مشا داز للماريو هز شورط جديد و هاد المرة دخلو معاه الحمام...خلاها ترتاح و يهمد عليها الآلام لي بداو ينقصو...متبعاه بعيونها حتى دخل و تنهدات براحة...كاتحمد الله لي ما خسر لافيشور تاع وجهها...
حتى تفكرات ليلة دخلتها اليوم فنصاصات الليل...و شداتها الخلعة من صبع رجليها كأي وحدة غايدخل بيها راجلها...غير هي خوفها زايد نغزة و مزال متشبة بديك الفكرة فبالها...و هو موت البنات ليلة الدخلة...
ساريتا:[عاقدا غوباشتها ما راضياش بهزيمتها]سري أنا لي فيا الدودة جايا لعندو رابطاه...و أخيرتي واكلا ماكلة الطبل..[سكتات شحال و كملات بتباهي]و لكن كون ما درتها مغانعرفش بلي عارف موضوع التقاف لي درت...[صغرات عيونها بريبة]و لكن منين عرف بهاد القضية؟!...
____ مــــكـــان آخـــــــــــر ___
كانو فعالم آخر فوسط اللوطو...كايتبادلو القبل الفرنسية بطريقة عنيفة ...حتى دفعاتو نجلاء كاتضحك بصوت متصنع و رقيق...
نجلاء:شفتك أ حبي ما سخيتيش بيا و تحتي حردتيه...[غامزاتو]وا الموطور عندك مزال خدام زيد غا الثمن المرة الجاية نبرعك...
•••:[كايضحك و الكارو معبي دخانو الجو]جاتك أ لالة غا برعينا و تهلاي فمولاي السلطان...راه ولا يتغالط ليا مع سترينغ الكحل ديالك...
نجلاء:[تقرصات من هضرتو و ما بيناتش]يالاه بيزو حبي حتال غدا فنفس البلاصة...
تسالمت معاه و نزلات بكسوتها القصيرة فايض منها الخيورات...و عيون البرݣاݣة من الشراجم كون صابو يقتلوها فبلاصتها و ما يخليو لي بحالها معاهم فالدرب...
و هي واقفا كاتهضر فالتيليفون مع المشعوذ لي غايدير ليها السحور...ما منعش واحد المرا تجي توقف قدامها...كاطلع و تنزل فيها بكره...معليا صوتها...
المرا:واش ما باااغاا تحشششمي على عررررضك...أ لااالة ولييينا نخافووو نطلقوووو بناااتنا يلعبووو بمسبتك نتي...
نجلاء:[خرجات فيها عينيها]شفتتتك كل ساع فااارعااالي راسي بهاد الكاسيطة...يمكن نسيتي راسك معامن داويا يا العقروشة...
المرا:معامن بالسلامة؟..مع ق•حبة فارحا بهزان الرجلين و تحل فمها على سيادها...كل مرة جايا بحديدة...
نجلاء:و هاد القح•بة مزال توريك ما عندها...و طير ليك داك الراجل لي مسخنك..
أنت تقرأ
زواج متقف
Roman d'amourقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...