الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 124
دراغون:[جرها من خصرها بالمهل حتى حطات يديها على صدرو مزدوحة معاه]أش قلنا على الكذوب...[سد الباب متكيها عليه و هي كاتشوف هنا و لهيه نافذة من شوفاتو لي ختارقوها]ماشي عليا غا دوز هاد الكذبة...
ساريتا:[تبثات نظرها عليه مخاطباه بنبرة هامسة و أنفاسها كاضرب فعنقو]معنديش سبب عليه نكذب أ حبيبي أرغد...[زعمات و طلعات يديها بلطف لاوياه على عنقو]و إلى بغيتي تأكد شوف ليا فعيني...
دراغون:[صغر عينيه ميل راسو فيها ناطق بنفس نبرتها مقرب منها]نتي ممحتاجاش الدوايات للحريق أناكوندتي الصغيرة...محتاجة لحاجة أخرى حسن منها...
ساريتا:[خاطباتو بنفس النبرة ملاصقا معاه و رؤوس أصابعها كايلعبو فخصلات شعرو]رحمني و قول ليا الحل...
دراغون:محتاجة لوكر ألنيكس يبرد الحريق لي فيك...[نزل عينيه لشفايفها]إلى تماديتي كثر و نتي كاتعضي فهاد الشفايف...
بلعات ريقها حابسة من الحركة...بمجرد ما كاتفكر البارح و ما دار فيها كاتبغي تخشى فالأرض...رجعات لوعيها ملي حسات بشفايفو تحطو فوق شفايفها طابع قبلة رقيقة و حنينة...خلاتها ساكتة فقط عينيها لي متبعاه حتى نطق بكلامو ليها...
دراغون:آخر مرة تعضيهم بديك الطريقة أناكوندتي...[جمع شفايفها بين صباعو غارس فيهم ظفارو]تافقنا؟...
ضورات عينيها كاتحاول تفهم علاش قال ليها هاد الهضرة و ما فهماتش...كتافات تحرك راسها ما رادينش البال لكلثوم و هي مصمرة فبلاصتها مصدومة و هي كاتشوفهم قراب لبعضياتهم لدرجة كبيرة...و بحكم هي ورى دراغون سحباتهم كايتباوسو...حسات بالبرودة طالعا معاها و نار الغيرة شاعلا فيها...عمرها شافت دراغون بهاد الحنية و المعاملة لي ما رافقاتهاش فحياتها الزوجية معاه سابقا...بلا ما تشعر نطقات بصوت عالي مخنزرة فديك البنت لي مكاتبانش و دراغون مغطيها بحجمو...
كلثوم:أش هاااااد قللللة الأدب دااااايرين فدااااري...
مکــــــــان آخــــــــر
فاتي:[شافت فيه بجوج و بعد صمت ناطقة بكره]نجلاء فخبارها التقاف...
آية:[حطات يدها على فمها مصدومة]أشنوووو...
رقية:[ضربات عل حناكها]هاويلي حي ما تقوليهاش يا بنيتي واخا غا بالضحك...
فاتي:[تنهدات بتعب]معرفتش كي دارت حتى عرفات...عمرنا جبدنا هاد السيرة قدامها...[سكتات للحظة و كملات بحقد]و المشكيلة هادشي ستاغلاتو لمصلاحتها باش ضور براجل ساريتا...و ما ݣلسات حتى وصلاتها ليه...
آية:هي قولي البزناز فخبارو؟...[قلبها كايضرب بجهد من الخلعة عليها]ويلي ويلي على الزغبية تاع ساريتا فين خشات راسها...و المصيبة الكحلة هادشي واقع و هي ناعسا على وذنيها...
رقية:[شدات العكاز بجوج يدين متكية عليه نايضة من بلاصتها]و عليا بليمن و باش كايحلفو العيالات الحرات حتى نربي السحارة الله يعطيها الساكتة المسكوتة و هانوريها تقرب ليا لبنيتي ساريتا...[ضارت لعند فاتي كاتنهج]هاااه تي قولي ليا فين ساكن داك البزناز نمشي نجيب بنيتي لهنا من عندو
فاتي:هاويلي أ الحاجة واش سحابتي غاتقوليها ليه غايجيبها ليك بيدو؟...هاداك راه خطير الميمة و ما معاه لعب...
رقية:أ تي سحابتي يخلعني ولا؟...[ضربات على كتافها]راني فياماتي بهاد الكتاف طويت جوج رويجلات كنت غانمشي عليهم الحبس و يغلبني هاداو ...هاك هاك كاينا السيبة غا اجي و هز البنت...
مشات حلات الباب من نيتها غادا بعكازها و ببيجامتها هكاك مخنزرة معاجبها حال...و قلبها واكلها على كبيدتها...و فاتي و آية تابعينها يطلبو فيها ترجع للدار و هي ما مسوقا ليهم...ما بغات تبرد العافية لي شاعلا فقلبها...شدات طاكسي و ركبات و فاتي و آية ما لقاو ما يديرو من غير يتبعوها...
رقية:عافا وليدي نسولك..دراغون داك البزناز كاتعرفو أ وليدي...
آية:[غا تاكل جنابها بالفقصة]هاويلي أ خالتي و تي منين هو غايعرفو؟...
•••:اييه عارفو الحاجة...و شكون ما يعرف البزناز لي حاكم درب مولاي رشيد..
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
