الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂⚫𝑩 𝒂 𝒓 𝒕 102
نجلاء تقطع ليها الصوت مصدومة و يديها كايترعدو...من الهضرة لي سمعات و لي مكانتش غاطيح ليها على البال أن علاقة دراغون بساريتا تصلحات...لدرجة جابها لهنا و هو كان خاطفها فاللول...شداتها الدوخة فبلاصتها خلات فاتي تشدها مݣلساها كاتشوف فيها بنظرات خوف...
فاتي:هاويلي أ صحايبتي مالك؟...نتي بخير؟...
نجلاء:[نطقات برجفة]أنا ب..بخير..[شافت فيها دايرا فراسها ما عارفة بوالو]خليك مني...و عاودي لي كيفاش هاد قضية ساريتا و راجلها...كيفاش و إيمتا تزوجات؟...
فاتي:ايوا يا ختي هادي قصة طويلة...بدات ملي طاحت عين البزناز عليها و بغاها الزواج إجباري عليها...و هي مباغاش حينت كبير عليها و بزناز و نهار ليلة العرس هربات...
نجلاء:[المورال نزل ليها و الحسد عما ليها عينيها]اييه كملي أشنو وقع ملي جات لعند خوها...
فاتي تنهدات و بدات تعاود ليها داكشي لي عارفا و سمعات من عند جدة ساريتا..و نجلاء مع كل كلمة عينرها كايتوسعو مصدومة...و الحيرة قاتلاها من التقاف لي ستاغلاتو كورقة رابحة و لاحتها ليه...و فاللخر كاتفاجئ بلي ما قتلها و لا صايفطها للسبيطار هادشي حمقها و زاد حقدها فيها كبر...
نجلاء:[رفعات حاجبها معصبة غا مع راسها من ورى هاد الخبار]و أنا اخر من يعلم...هاا!؟..هادي هي الصحبة و ما نخبيو على بعضياتنا والو؟..
فاتي:[خنزرات فيها]أ بردي أ خويتي بردي قبل ما يطرطق فيك شي عرق...علاه فين كنتي البارح باش نعاود ليك...كذوبك دوزيه على كريمو و لكن ماشي عليا أ خويتي...
نجلاء:[دمعو عينيها كاتشوف فيها]فاتي أنا...أنا ديكلاريت بهادوك لي سرقوني...و لكن لقيتهم دغيا خرجو من الحبس و تلاقاو ليا ضاربيني...
فاتي:[نزلات حواجبها بحزن لحالة صاحبتها...جاراها معنقاها]الله على حبيبتي الله بغيت ليهم الݣرض فدوك اليدين ان شاء الله...الله يعطيكم شي مصيبة تصيبهم فهاد ا[خنزرات معصبة]غير وريهم ليا أ خويتي غير وريهم ليا نفرجك فيهم الحمير...جايين يستقواو عليك حينت شافو ما عندك حد يحامي عليك...
نجلاء:[تفكرات لي وقع البارح و نزلو دموعها]لا أ ختي صافي لي وقع وقع...و دبا خاصني نرتاح قبل ما نمشي للخدمة...
فاتي:هاك هاك على نمشي للخدمة...باغا تمشي ليها و نتي بهاد الحالة؟...سحابتي غانخليك بوحدك فالدار و ماماك كاتجي حتال العشية[شداتها من يدها نوضاتها]نوضي تهزي غاتمشي معايا للدار تبقاي معايا اليوم...نخلي داك الوجه الصفر يرجع فيه اللون شي شويا...
نجلاء:لا لا أ ختي غا خليني غا نداوي راسي براسي...
فاتي:نوضي قالاك قبل ما نتفك هنايا قدام الناس و نكمل عليك...
حركات نجلاء راسها بالإيماء نايضة من بلاصتها...عاوناتها فاتي شاداها من دراعها و هزات ساروت الدار خشاتهم فجيبها و جراتها لدارهم...
___________________
♣ أنــــاكونـــــــدا الـــــــصغيرة...
كاترمش عيونها فالسقف بسهوة كاتفكر فلي وقع فالصباح...حاطا يدها على حنكها و تتذكر فجرحو ليدو لي بيه عبر على ندمو...ندم لي ما لقاتوش فخوها لي كايضربها مرة و جوج...و لكن دراغون كان غير...زاد حببها فيه و خلاها كاتفكر مرة فالصباح و مرة فيه و فعيونو الزرقا لي مهبلاهم...فكاريزما لعندو و هيبتو الطاغية...فتصرفاتو معاها كبنتو ماشي غير مراتو و عزز قيمتها عندو...دورات وجهها كاتقلب عليه بعينيها و لكن الصمت الطاغي على البيت خلاها تعرف بلي خرج...تنهدات بابتسامة مرسومة على شفايفها و هزات مخدتو لي كايتوسدها..مقرباها لنيفها كاتستانشق ريحتو لي ضاربة فيها...و بمجرد ما كاتغمض عيونها كاتخيلو قدامها كايشوف فيها بدوك النظرات لي كاتغرق فيهم...نطقات بحيرة حاطا يدها على قلبها...
ساريتا:حرت ما بينك و بين عقلي...مقادراش نتقبل أحاسيسي لي جامعاها للداخل...سمح ليا مقادراش نسمع ليك يا قلبي..
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...