زواج متقف

البارت 45

دراغون:قاد بشغالي...و حتى حد ما منحقو يحاسبني...

قال كلامو و جر ساريتا للي غير كاتشوف...طالعين فالدروج و من وراهم سميحة كاتنهد...و تولول بوحدها...

سميحة:عاد حطات اللفعة رجليها فالدار ...و خلات ولدي يخاصم على بنتو و يبكيها...اما الى جاو ولادو خلاص...هي هربات و فليلة ولدي تخلات عليه(حركات راسها بلا)يا و الله و ماسميتي سميحة ما نخليها عيشتها مرتاحة فهاد الدار...

          ▪️الــــفــــوق ...

طلعو الفوق و ساريتا عينيها موسعين بإنبهارها  بتصميم الدار العصري...تحلفي عليها ما كاينا فحي شعبي...قفزات من بلاصتها مفزوعة مللي سمعات صوتو من الداخل الغرفة...

دراغون:(بصوت بارد و هو كايشوف فيها)غاتباتي تماك!!...

ساريتا رجعات شعرها من ورى وذنيها...و خطات اول خطواتها باتجاه الغرفة...
بالعة ريقها للي نشف من الخوف...خوفها منو و من الحياة الجديدة للي غاتكون معاه...مررات انظارها على كامل الغرفة للي طيرات ليها العقل...
ناموسية محطوطة فالوسط...و ماريو باللون الابيض كبير فالجهة اليمنى...و على بعد خطوات كاين فوطوي...و الجهة المقابلة ليهم كاين بالكون و حمام فالقنت...

حسات برجليها ضروها ...توجهات نيشان للناموسية بغات تݣلس عليها حتى قفزها تاني صوتو...

دراغون:(دخل من البالكون بعد ما لاح الݣارو...كايشوف فيها بنظرة حادة)قلت لملتك ݣلسي؟!..

ساريتا:(رفعات حاجبها كاتشوف فيه بجمود و فالداخل ديالها ميتة بالخوف من شوفاتو ليها)غا تهنا مغانحتاجش الاذن ديالك باش نݣلس...

دراغون:فشوشك ديريه عند خوك أ مراتي الزوينة(قرب عندها خطوة وحدة مزير على ذقنها)ما حدك حاطا رجليك فوكر دراغون...كولشي غايدوز تحت اذني انا...حتى النفس لكاطلعي مغاتخديه بلا خباري...

ساريتا:(نطقات بعدم تصديق)نتا...نتا راك فعلا مريض...

دراغون ستافزاتو بكلمتها ليه حتى ظلامو عينيه بالغضب...كلمة لحاجبا خبايا وراها خلات عروقاتو برز بشكل كايرعب...و عيونو حمرين كايشوفو فيها بنظرة ركبات فيها خلعة ...و خوف خلاها ترجع خطوة اللور باغا تنفذ و لكن بدون سابق انذار نزل عليها بتصرفيقة قاصحة...خلات وجهها يدور و يختل توازنها...كانت غاتجي طايحة كون ما شدها من خصرها فأخر اللحظة...ضارت بوجهها بشوية لجيهتو حاطا يديها على حنكها...شعرها طايح على وجهها و صدرها كايطلع و ينزل...فتحات فمها بغات تهضر و لكن كان أسرع منها و خدا شعرها بين قبضتو المحكمة...جارها من مؤخرة شعرها وراه و هي تابعاه كاتغوت و ضرب فيديه...قلبها متسارعين دقاتو خوفا منو و من اشنو غايدير..
ضرب رجليه مع باب الحمام حتى تحل...و دخل و هي باقا بين يدو جارها...مشا نيشان للروبيني حلو على جهدو...داير واحد اللعيبة لاڤابو تحبس الما ...خلا حتى عمر بالما و سدو...و هي كاتحرك راسها بلا و كاتركل...بحالا فاهما اشغايدير...

ساريتا:(نطقات برجفة و الدموع نازلين من عينيها) لا هئ هئ لا عفاك..هئ هئ لا إلا هادي...و الله ما نعاود...كنترجاك هئ...

دراغون:(نطق بصوت كايزعزع وصل حتال للتحت)يااااك قللللت لزاااامل ب*وك...تاقاااااي شرررري و مااا سمعتيييش...(جرها بعنف و هي كاتبكي بجهد حاسا بشعرها غايتقلع من بلاصتو)اليوم غاااانربيييك مزيااان...

قوتها الضعيفة مغاتبانش قدام قوتو الطاغية كرجل...واخا حاولات ما مرة ما جوج تفك من قبضتو...بسهولة و عنف جرها للاڤابو حتى ولات مقابلا معاه...ظهرها متوازي مع صدرو العريض...جسدها كايرجف من بلاصتو...و صبحات محاصرا بين جوج جوايه...هو وراها و قدامها لاڤابو عامر لما...للي على غفلة و فرمشة عين خشا راسها لداخلو...حتى تكفح الما خارجو...