زواج متقف

البارت 66

             
الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  66

ساريتا:[خنزرات فيها]ما قلتها أنا اخويتي...بالحق نجلاء فهادي غالباك بالزعامة لفيها...و م..

الشوافة:[قاطعاتها بصوت مرتفع كايخلع سامعا ليهم]ما تيقيش...ماتيقيش[حانية راسها كاتلوح شي حاجة فالمجمر]بعدي منها أ بنت داوود...بعدي منها غاتخرج عليك و على حياتك...ردي بالك منها

ساريتا شافت فيها مطولا باستغراب ...و ضارت لعند فاتي للي منزلا حواجبها بعدم فهم... كايشوفو فبعضياتهم و ما عارفينش علاش قالتها...

         
            𝙴 𝚗 𝚍  𝚏 𝚕 𝚊 𝚌𝚑  𝚋 𝚊 𝚌𝚔
   

فاتي:[ناطقة بشويا بحكم كاينين فالطاكسي]أش بان ليك فهضرة الشوافة...

ساريتا:[تنهدات بعدم تصديق]أش غايبان ليا حتى نتي...باغاني نصدق كلام وحدة قاطعة يديها من يد الرحمان...و نكذب السنين للي جمعوني مع نجلاء...

فاتي:[ميقات فيها]على أساس ما مشيتيش عند هاد الشوافة فالوقت للي كان عليك طلبي ربي يعاونك...

ساريتا:ما تزيديش عليا يرحم باك..و تحكي الجرح[شافت فيها]و نجلاء أنا للي عارفاها ما تسوا...[بغات تهضر فاتي و هي تقاطعها بعياء واضح فصوتها]لو كان فيها الفعايل ما غاتسكتش ديما على حقها أ فاتي و تحني الراس على للي يحݣروها...[خاطبات مول الطاكسي]عفاك أ خويا زرب يعطيك الستر...

              \ ° مـــكــــــان  آخـــــر °\

فبيت متواضع مسدود بابو...كانت ݣالسة نجلاء فوق نموسيتها كاتقاد العكر و مرتاحة على الأخر ... و المورال طالع ليها... من الأيفون الجديد للي حاطاه فوق رجليها مساخياش تحطو...عين مرة على شفايفها تبرزهم بالقلم...و عين على تيليفونها تشوف الساعة...
شافت التيليفون بدا يصوني ..ضربات الشوفة فيه و لقات بللي كاتسناه مصوني ليها ابيل فيديو...نقزات من بلاصتها مقابلة مع المراية...تنزل فديك الكسوة للي لابسة و صدرها بالكاد يبان راسو بقوة ما بيناتو...بعثرات خصلات شعرها بطريقة مثيرة...و ݣلسات فوق الناموسية قابلا الأبيل كاتبتاسم...

نجلاء:أهلين و سهلين بيك يا حبيبي...كيف حالك...

•••:[قايل بنظرات شهوة فصدرها الباين و كرشو سابقاه]الحمد لله يا قمر...اشتئتلك كثير...[ما تديوش على اللكنة راه واكلا العصا]

نجلاء:و أنا كمان يا بو شعر أبيض...[تحنات بلعاني حتى تدفق صدرها و وسعو عينيه...و هي بدات تنزل دموع التماسيح من عيونها]يا عمري أنا بعتذر منك لأنني ما راح ساوي لك رقص ينشطك اليوم...

•••:ليش يا حبيبتي...شو للي صار...حد زعجك شي؟..

نجلاء:لا يا أبو شعر أبيض...بس رجلي وجعاتني كثير...و ما عندي مساري داويها...

••• :ما تبكيش يا حلوة...راح أرسل لك مساري على حسابك...

نجلاء:[كاتتحلون و دير حركات يثيروه]و مساري المول يا حبيبي....لأعملك فيديو سكس  ثاني بيجنن...

•••:طيب يا عيوني...راح أرسلك خمس مليون على حسابك...بس ما تزعليش...

نجلاء:يالاه يا حياتي...بشوفك بعدين...ماما عم تناديلي...

قطعات الخط دغيا  و محات ضحكتها دغيا...قالبا عينيها بإنزعاج...حاولات و حاولات تلقى صفة فيه بحالو...بحال داك الشخص للي مغروس فبالها حالف ما يتمحاش...و لكن ما لقاتش للي يشبه لدراغون فصفاتو...فالكاريزما تاعتو...فقوة شخصيتو و حروشيتو...
رجعات تكات فبلاصتها ساهية تفكر فيه...و بلا ما تحس قالت ساهية...

نجلاء:هاااح واخا نعيا نقلب ما نلقا بحالك أ دراغون...الرجلة عمرني نشمها فشي حد اخور من غيرك...أنا للي نستاهل نعيش معاك تحت سقف واحد..و نكون مراتك...[تفكرات ساريتا و هي تقلب نظراتها للشر]خديتي مني كولشي اللفعى..صاحبتي فاتي و كريمو و دراغون...خليتيني نوصل لدرجة نصور لحمي باش نفوتك العروبية...و لكن قسما بالله ما نخليه ليك...و لا نخليك مرتاحة فحياتك...[دوزات الخط لواحد السيد و فور ما تسمعات ديك ألو قالت دغيا بنبرة شيطانية]الفلوس بالكثير غايكونو عندي غدا...و الباقي عليك و على تا شوافيت ديالك...ما تنساش من هنا لسيمانة بغيت نسمع موت صاحبتي...

•••:[كايقهقه بصوتو الغليظ]نفهم باغيا ديري ليها السحر الأسود...

نجلاء:[الغيرة عمات ليها العينين]تماما...بغيت أخطر أنواع السحر توجدو ليها...و الحصيصة غاتجيك بالضوبل مع ليلة حمرا كيف أيام زمان...