زواج متقف

bart 114

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  114

حسناء:[طلعات راسها لجيهتو كاتحركو بلا]لا بابا...مراتك ما عندها دخل...غير توحشت ماما...

دراغون:[مسح دموعها بإبهامو..عاقدهم مخنزر]مزال ما تزاد هادا لي يبكي بنت دراغون...حبسي دموعك... غدا نديك تشوفيها...

حسناء:[مسحات دموعها دغيا كاضحك فرحانة]الله يخليك ليا أ بابا...

طبعات بوسة فحنكو و مشات خارجة ناشطة تعلم ماماها...و دراغون تنهد مطولا قبل ما يهز ݣارو و يخرج للبالكون يكمي...و شلا مطارق يتضاربو فراسو...
و من جيهة أخرى كانت واقفة ساريتا مصدومة من كلام حسناء...ما توقعاتش غاتكذب على باها و ما تقولش ليه الصراحة...حسات بالحشمة من لي دارتو و الندم كاياكل فيها...ضورات وجهها ملي حسات بيها وقفات ماسحة الضحكة من ملاميحها...كأنها شافت شبح...

ساريتا:[بلعات ريقها ناطقة بندم]حسناء أنا...أحم أنا كانع..

قبل ما تكمل كلامها كانت دازت من حداها حسناء ضارباها للكتف و نزلات...مخلياها حابسة دموعها للحافة و هي كاتحس براسها فهاد اللحظة خايبة و مكاتسواش...تنفسات شحال كاتبرد عيونها و تقدمات خاطية خطواتها للداخل...و بسبة الكوزينة دارتها باش تعاود تفكيرها فحياتها من أول نهار تعرفات على دراغون حتال دبا...وقت كبير خداتو و قرار كبير تقرر ناوية تنفذو اليوم...
تاجهات نيشان فين واقف كايضربو البرد...حتى حس بوجودها من خطواتها الصغيرة...ما ضارش عندها و لا نطق بحرف كتافا غير يرمي الݣارو فالأرض عافط عليه...حتى سمع صوتها المنخفض بنبرة فشكل...

ساريتا:على لساني السليط السام كانعتاذر منك على أي حاجة خرجات من فمي من نهار تلاقيتك...على النهار لي هربت منك ليلة عرسنا...على رجولتك لهنتها بلا ما نقصد...و على الاتهام الكبير لقلت فحق عائلتك فالصباح...[ضار لعندها بنظرة هادئة طالق وذنيه كايسمع ليها]حاولت نصلح لساني و لكن مقدرتش...

دراغون قرب لعندها بخطى ثقيلة حتى وقف قدامها داير يدو فالجيب ...

دراغون:كانظن ديك التصرفيقة تاع الصباح رجعات مخك لبلاصتو...[مرر إبهامو على شفايفها و هي كاترمش فيها عيونها]و خلاتك تهضري مقاد كي الناس...

ساريتا:[مخرجا عينيها كاتحاول تستاوعب]د..دبا نفهم بلي رفضتي إعتذاري...

دراغون:مدام عتارفتي بغلطك فإعتذارك مقبول[صغر عينو فيها بشك]و لكن فحالة لقيتك كاتلعبي من ورى ظهري...[سكت منبهها بشوفاتو و هي فهمات قصدو محركا راسها بلا دغيا]

ساريتا:[قربات خطوة لجيهتو ناطقة بنبرة هامسة كاتشوف فيه]أرغد..[بابتسامة كاتعض شفايفها]ما عنديش الزعامة الكافية نديرها...[ميلات راسها بنظرات نايمة فيه كاتمرر أصابعها من ورى عنقو..و هو مصغر فيها عيونو بهدوء تام]حينت نتا راجلي و من واجبي  نحتارمك...

دراغون:[جرها من يدها حتى تخبطات معاه محافضة على ابتسامتها..ناطق بنبرة منخفضة كايحدق فعويناتها المكحلات]علاياش كاتقلبي أ أناكوندتي؟...

ساريتا:[نطقات بصوتها الأنثوي الرقيق]كانقلب على راحتك...

دراغون:[همس ليها ببحتو الرجولية]كايبان ليا وكر أنليكس تشافا و شد راسو...

ساريتا:[وسعات عينيها و نطقات بزربة كاتلعثم فالهضرة..راجعة باللور]أ ب..بحالا سمعت صوت خالتي سميحة...خ..خاصني نزل للكوزينة نسالي غسيل الماعن...

دراغون:[كايزيد بخطواتو للقدام كايطلع و ينزل فيها بنظرات ممزوجة بالشهوة و الحب] ما عندك فين تهربي مني اليوم...

ساريتا بلعات ريقها لي نشف و ما رداتش البال للسرير لي وراها...خلاها تعثر و طيح فوقو و دراغون متقدم لعندها بمشيتو الثقيلة نزل لمستواها طالع...و هي مكوانسية فبلاصتها كاتنتاقل بعيونها على عينيه الزرقا لي نظرتهم فيها شبح من الخبث كايبعث الخوف فداخلها...

دراغون:[كايحيد ليها بيد القندورة و وجهو خاشيه فعنقها]واخا تعياي تفكري و تعاودي تهربي مني...من دراغون عمرك تهربي شي نهار و لا تبعدي عليه من غير الموت لي تفارقنا...