زواج متقف

bart 121

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  121

دراغون:[تقدم داير يد فالجيب]إلى شبعتو من بعضياتكم زيدي قدامي للدار...

كلثوم:[خرجات عينيها و هي ما صاب يبقا كثر معاها]و لواه أ دراغون عاد جيتو و باغيين تمشيو دغيا بلا ضيافة بلا والو مجاتش...[ضارت لعند حسناء كاتبتاسم ليها]و زيد عليها شحال هادي ما شفت نوارتي...

دراغون:[ميل فيها راسو بنظرة استهزائية]كان الزواج رابطك ربع شهور لي ما توحشتيش بنتك و طلبتي تشوفيها؟...

كلثوم سكتات ما لقات ما تقول و هو ماشي صغير باش ما تكشفش قدامو...ما نقذاتها غير حسناء ناطقة بعفوية كاتطلب فباها شادا فيدو...

حسناء:عفاك أ بابا...عفاك نبقاو غير شويا...[بعيون دامعة]غير شويا و نمشيو...

زير على فكو ملتازم بالصمت لي كان بمثابة موافقة لحسناء...ضحكات بحماس و تاجهات عند ماماها معانقين و كلثوم مرة مرة تشوف بنص عين فدراغون...عجباتها تبوݣيستو و زينو لي كايبان فعمر الشباب...و كاريزما لي كاتفوح منو...جرات بنتها للداخل و هو تابعهم بهدوء...

      مكــــــان آخــــــر

فدار محمد أخ ساريتا...كان الغادي و الجاي يضور لجيهة الدار...من صوت العالي لي خارج...كان صوت آية  و هي واقفة كاتغوت بحر جهدها و مقابلا معاها جدة ساريتا عاقدا راسها بزيف ...و فاتي حداها ما حيلتها ليها و لا لآية لصوتها يثقب الوذنين...

آية:يااااك عيييت نقووولها ليكم بلي ديك الكلبة ما رتاحيتش ليها النهار اللول...و نتوما باركين دافعو عليها...

فاتي:[حركات راسها]اييه قلتيها أ ختي قلتيها...نسات العشرة لي كانت جامعانا...و الطعام لي تشاركنا..باغا العافية شاعلا فقلبي من حر الشمتة لتشمتنا...[بنبرة خائفة نطقات مكملا هضرتها]أش غادير ساريتا ملي تعرف هاديك هي المصيبة الكحلة...

الجدة (رقية):[ضربات على فخادها كاتولول]أ ويلي و نشدك يا بنيتي نجلاء نا نخلي فيك عظم صحيح...يا بنيتي بغيت ربي يلݣيها ليك فهاد النهار...سيري يا السحيحيرة الله يعطيك غبارة تغبرك من هاد الدنيا...[تفكرات ديك المجية تاع ساريتا هي و راجلها و هي تقلب نبرتها للعصبية]و لكن سررررها على فعايلها لي كا دير...سرها على تشيطين تاعها لي عمرها ما غاتسالي منو...كون  كانت زينة كاعما تجي اللفعة الݣرطيطة تسحر ليها...كون ما تحلات ليها و ضسراتها و باركا تفرق فحوايجها ما يوقعش هاكا...

آية:[تحنات لعندها شادا فيديها كاطلبها]خالتي هالعار ما تقصحيش قلبك عليها هي غا صغيرة و مازال ما عارفا لي كادير...دبا تعلم و تندم على لي دارت...

رقية:هاويلي على باقا صغيرة...تي البنت عندها ثلاتين عام  و باقا صغيرة؟..[هزات عكازها باغا ضربها]نوضي تهزي من قدامي قادي لينا أتاي...يتبعكم البلا غاتصايفطوني للقبر نيشان...

تنهدات آية عيات ما تقنعها تحن على حفيدتها و لكن بهضرتها كاتدخل من وذن و تخرج من وذن...مشات للكوزينة تعمر أتاي خلات الجدة ݣالسة و تنݣر غا بوحدها و فاتي ضور فعينيها...حتى قررات تمشي غا مع ناضت ليعاتها الجدة بقرصة حتى قفزات مخرجا عينيها كاتحك فيها...

رقية:[كاتشوف فيه بنص عين]أ فين غادا اللفعة هااا؟...

فاتي:غانمشي لدارنا...[كاتحك فالقرصة]أححح على قرصة عندك...حشومة عليك...

رقية:باغا تسلتي لبوك...ياو و الله لا كانت ليك قبل ما تسرسبي لي كاين...

فاتي:[كاتبحلق فيها مفاهماش]الله يهديك الحاجة...اش غانسرسب ليك؟..

رقية:[خنزرات فيها]لبوك انا سيفطتوني للحج باش نتسما حاجة...[هضرات بشوية]شرحيلي ديك السحيحيرة أش دايرا لبنتي...

فاتي:و راه داكشي لي عرفت قلتو ليكم...

رقية:[صغرات فيها عينيها المكمشات]أ شوفي أاا ديك عود سبسي غاتسرسبي ليا لي كاين و لا نفرش بنيتي قدامي بهاد العكاز...حتى يولي ظهرك رطب من كرشك...

فاتي:[حطات يدها على حنكها حايرة فيها]ياك عاد قلتي ما مسوقاش لساريتا و غسلتي منها يديك...

رقية:وا تي سوقك...تي دخلي سوق راسك...هاديك هي عوينتي لي عندي...