الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 192
صلاح:ولكن[وقفو بيدو شاير ليه يمشي]
فالجيهة الأخرى كانت ساريتا جالسة فوق واحد الكرسي فقنيتة معزولة...شادة فالهضرة مع فاطمة الزهراء مصونية ليها من نوكيا پيل...كاتشكي عليها و طالع ليها الزعاف...و تسحبو فاتي كاتهديها؟ كاتنصحها تبرد و بلا ما تحس كاتشعلها شعيل...
ساريتا:[زفرات بعمق كاتحاول تبرد ما أمكن]ما خسر عليا كلمة وحدة أ صاحبتي...تخيلي لا البارح و لا اليوم فالصباح ملي كنا بوحدنا ما جبد ليا هاد السفر...
فاتي:بردي أ صاحبتي...هاويلي مالك على هاد الحالة تقولي ميتة فيه...خليه يمشي فين ما بغا...
ساريتا:[بعصبية و رجليها كايرجفو]راني مرتو..مرتووووو...ماشي أي واحد عندو...هادشي لي دار بلا حتى ما يعلمني...ما تسرطش ليا...
فاتي:[بحيرة]ما بقيتش فاهماك برب...بالعكس خاصك تفرحي و تنشطي لي غا يمشي و يخليك تنفسي على راحتك...ما عرفت لاش معقداها...ياك نتي ما كاتحمليهش أصلا!!...
ساريتا:و شكون قاليك مكانحملوش؟![تفتفات فالهضرة]أ... ب..بصح مكانحملوش...و لكن فآخر المطاف كايبقا راجلي و أنا مراتو...و من واجبو يقولي...
فاتي:[قلبات عينيها بملل]وا هيا ربي الحبيب جبتيلي لديلمي الغمة بكلامك...تي توݣظي معايا...الرجال غزيرتهم هي لي متحكمة فيهم...و هادي نقطة زينة عندك...
ساريتا:[تقادات فالجلسة]دبا هضرتي أ صحايبتي..برديني و شرحي لي هاد النقطة مزيان نفهم...
فاتي:[هضرات تضحك]نتي اش تعرفي على بنات سلا...هاد الزعرة ها الكحلة ها البيضة من زيناتهم طفلات...عندي إحساس هاد المرة ما يجي حتى يكون طايح طيحة خايبة فشي وحدة...هيييوا ديك الساع غاتكوني طلعتي ليه فالراس و غاتجبدي ليه حس الطلاق ما يعطلكش....
ساريتا:[زادت تعصبات]تي من نيتك لا؟...صونيت ليك يا ختي تبرديني و لا تزيدي على ما بيا...
فاتي:و مالي قلت شي كلمة العيب...تسحابي ما كايجيوش عندو البنات ولا؟...علاش ما عارفاش بلي عندو كليان صحيح فيه حتى البنات!!...
ما عرفات تضحك و لا تبكي و تفقص على هضرتها...حتى اللسان فشل يهضر و قطعات عليها...ما ستاحملاتش الهضرة لي قالت فكيفاش غاتقدر تستحمل تشوف راجلها مع شي بنت واخا غير على قبل الخدمة...
ساريتا:[ناضت بصعوبة..هازات القرعة كبات ليها الما بيد كاترجف]م..م..ماحدني كانتنفس مستحيل نخلي شي وحدة تديك مني...و لا تقلبك عليا...نتا ديالي بوحدي...غير بوحدي[طلعات النفس و زفراتو كاتحاول تكالمي راسها]خاصني نتهدن و ما نزربش...و نفكر بالمهل أش غاندير...الى تبوحطت عليه بالوجع غايأجل السفر و لكن ما غايتخلاش عليه...[بنظرة جامحة شيطانية]يعني بقاو جوج حلول يا غايوافق يديني معاه و لا نخرب هاد السفر من ساسو...
صمتات ببسمة شر على ثغرها و بدات تبرد تدريجيا من الأفكار لي تشكلو فدماغها...حالفة ما تخليه يرتاح فهاد السفر...من جيهة ما تخلي فرصة البنات يدورو بيه و منها توريه معنى يخلي تال اللخر و يعلمها مع ولادو و مو بلي كاين...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
