زواج متقف

البارت 86

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  86

ساريتا:[بلا ما تشعر نطقات بخوف]لا لا منقدرش...[لمحات شوفاتو تغيرو و هي تنطق بسرعة لا يفهمها غلط و تصدق واكلا الاصا تاني]كانقصد أحم باقي يضرني...

دراغون:[رسم بسمة خبيثة على ثغرو]شنو لي كايضرك؟!..

ساريتا:[كاضور فعينيها و وجهها ولا حمر]د..ديالي...

دراغون:[رجع شعرها ورى عنقها]وضحي نفهم كيفاش هاد ديالك؟...

شافها مقادراش طلع النفس بقوة ما حشمات ...و هو يزيد حشمها بيدو لي تحطات على أنوثتها...حتى تفزعات غارسا صباعها فدراعو مخرجا عينيها...

دراغون:هادا لي كايضرك؟..

ساريتا:[حركات راسها بأه موسعا عينيها من جرأتو معاها]

دراغون:هادا ولا فملك دراغون[باسها بجنب فمها]ولا وكر السلطان ما بقاش ديالك...تافقنا؟!..

ساريتا:[رمشات فيه عينيها ببراءة]شكون هو هاد وكر السلطان؟..

دراغون عض على شفتو السفلية بفقصة من برائتها فهاد النوع من الحوايج...شاف راسو غايحفي معانا دماغو...و هو يجرها للماريو كايقلب ليها على ما تلبس برضاه...شكون لي قال دراغون شي نهار غايديرها و بنتو مكانش كايدير معاها هاكا...
ختار ليها جلابة واسعة شوية فالبني عصرية مع شالها...عطاتهم ليها تشدهم و لكن مشداتهم...بل جمعات يدها لعندها جامعا شفايفها مراضياش و مباغاش تلبسها...و هي كاتشوف فصورة خنشة يخشيها فيها..و هي موالفة تلبس اللباس لي يعجبها من دون الجلالب...ملي شافها دراغون هكاك ضربها بتخنزيرة حارة كايشوف فيها...

دراغون:تلبسيها و لا نلبسها ليك بيدي...ختاري نتي لي بغيتي...

ساريتا:[حسات بسلطويتو عليها فاتت الحدود]الجلالب مكانرتاحش فيهم...ما منحقكش تحكم فيا حتى فلبسي...

دراغون:[رسم نصف ابتسامة جانبية]نفهم بلي كلامي ولا زايد ناقص عندك...[سحب ابتسامتو و حل محلها نظرة قاصحة...غارس ظفارو فخصرها حتى تأوهات خوفانة]يعني بغيتي نفهمك كلامي بطريقة البارح؟...

ساريتا:[غير بمجرد ما تخيلات يعاود يسلخها ديك السلخة الارض مشات و جات بيها...ناطقة بنبرة مغلوب عن أمرها]و..واخا...واخا أنلبسها...[خنزرات فيه]شي أوامر خرى أ راجلي العزيز...

دراغون:[طبطب على حنكها برضى]كاتباني بعقلك و نتي كاتصنطي للهضرة...غاتلبسيها و تقادي الشال مزيان...[قرب وجهو شويا لوجهها ناطق بحدة]و يا ويلك نلقا زغبة وحدة خارجا منو...

خدات من عندو لي غاتلبس بنتير...و هو دار عطاها بالظهر خارج من الغرفة و التيليفون بيدو جابدو...مترقب الميساج لي وصلو بنظرة حاقدة...مناوياش على خير...نزل للتحت و ساريتا بقات الفوق كاتبرد هضرتو فالجلابة...لي مكرهاتش تقطعها طراف طراف و تلوحها على وجهو...تنهدات بانزعاج و لكن ملي تفكرات اللحظة لي بدات تبكي بدات ترسم التسامة خبيثة...ناطقة بهمس...

ساريتا:البكا هو سلاح كل مرا يعاونوها فهاد المواقف...[تقابلات مع المراية مكملا كلامها]و مظنيتش غايتخدع بيهم بزنازي دراغون...[صغرات عيونها بحقد]واخا يطرا لي يطرا هاد الشخص لي قال هاد الكلام لدراغون...و بمسبتو كان غايقتلني و يقتل عائلتي غاندمو...غانقلب عليه و غانوريه ساريتا بنت داوود أشنو فيديها ما تعمل..

ببساطة ساريتا عارفة بلي شي واحد خبر دراغون بالموضوع...لأنه حتى دليل وراها ما خلاتوش...و لو كان دليل تابث عليها كان غايقتلها حتى بلا ما يسمع ليها...