الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 108
دراغون:[ضور نصف وجهو لعندو كايطلع و ينزل فيه بعيونو الباردة]عطيني سبب يخليني نقبل...
الرجل:[نطق بريبة]ولدك...ولدك فتاح غاينضم لينا كزعيم بحالك...لتقارب أفكارهم الناجحة...
دراغون:[رسم نظرة خبيثة وسط عيونو المظلمة]ملي يقرب الموعد...علمني بالوقت و المكان...
لاح الݣارو فالأرض و زطم عليه برجليه...كايشوف فداك الراجل بنظرات فهمها و فهم راسو ماشي بحالو...تبع اللوطو حتى غبرات و رسم نصف ابتسامة خبيثة...و سببها عارفو غير لوحدو...
هز ديك الڤاليز حطها فداخل اللوطو و سد الباب...راجع للبلاصتو لي كان فيها متكي قدام اللوطو...كايشعل فݣارو أخور كايكمي فيه و ما كايجي فين يسالي لاخور حتى يشعل واحد جديد...
حتى حس بشي واحد وقف حداه...من ريحتو عرفو شكون و بلا ما يضور نطق بنبرة باحة رجولية...
دراغون:كاتسنا نكمل عليك على داكشي لي بديت...
فتاح:[ضار شاف فيها ناطق بجدية]الواليد...نتا راك ماشي غا پا راك عشيري...بالرب العالي إلى هي لي ستافزاتني برجولتي...و ما كنت ناوي نمسها...
دراغون:[شاف فيها بصمت و رجع نظرو للقدام]
فتاح:أ الواليد...راني عارفك مزيان مغاتظلم حد و لا تحكم عليه دغيا...راني ولدك أ الواليد راك عارفني مزيان و هي جات غا البارح و بغات تقلبك علينا كاملين...
دراغون:[نطق بهدوء قاتل]القلب إلى تبعيه غا يجيب ليك المذلة...[شاف فيه]دراغون ما كايخليش قلبو يتحكم فيه...و كل واحد دار غلط غا يتحاسب عليه...حمد الله لي ما قتلتكش على اليد لي تعلات عليها...
فتاح:واخا تشوفني محاملهاش الواليد..برب مغانمسها شي نهار ولا كلامي غايجي فكلامها غا رتاح...راك مخلي راجل فالدار...
دراغون:بين البارح و اليوم تغيرتي[رفع حاجبو كايشوف فيه بنظرة ثاقبة]ماشي عليا أ ولدي ...طلق من اللخر قول علاش جيتي...
فتاح:[حنحن كايشوف فيه مرة و مرة يشوف بعيد]كي شتي الواليد عندك معارف كثار و حتى أنا عاد بديت نديرهم...و وصلاتني هضرة بلي غانخدم معاكم...
دراغون:[خنزر فيه]نفهم بلي وليتي تجسس عليا...
فتاح:حاشا الواليد...غا راك عارف هادشي جا صدفة...
دراغون:شكون قالها ليك؟..
فتاح:واحد من دوك الݣارد ديال داك الباطرون...
دراغون:تهلا فيه...غانحتاجوه من بعد[عفط على الݣارو متاجه للوطو]وجد راسك و كون على قد المسؤولية...
ركب فاللوطو و كسيرا بسرعة مخلي لتاح ضرسة العقل تبان ليه من الفرحة لي غايولي بحال باه...
نرجـــــــعو عنــــــد فاتي
بقات قرابة خمس دقائق تستاوعب لي شافت عينيها....دموعها واقفين فعيونها كاتسدهم و تحلهم لعلى و عسى تكذب نظرها...لعل و عسى تكون تخايل و تسطات...عقلها ما قدرش لا يتقبلها و لا غير يفكر فيها...تقادات فالݣلسة دغيا كاتمتم بكذب كاتمسح دموعها بجهالة...
فاتي:لا لا... هاويلي صاحبتي هادي...ختي هادي...حبيبتي هادي مغاتغدرش صحبتها...مغاتبغيش ليها الضر...مغاديرهاش...
خدات نفس طويل كاتكذب لي شافت و بصعوبة بالغة قربات للصندوق..جراتو لعندها سادا نيفها و دقات قلبها كايرتافعو خوفانة... شداتو دغيا كاتسوس داكشي فالأرض...حتى حبسات تدريجيا مصدومة مطيحا الصندوق من يدها...و الصورة عاد وضاحت و لي كذباتو طلع صحيح...كلام الشوافة و تصرفات نجلاء لي تغيرو عاد بدات تفهم معناهم...عيونها كاينتاقلو ببطئ بين الظفار لي مليوحين...الشعر...ألويز فيه دم...عيونها مشاو توقفو نيشان لتصاور ساريتا...
صندوق فايحة منو ريحة لاغيݣل تاعمن؟...من التصاور عرفات و ألويز تاع ساريتا لي لقاتو هنا كايدل على حاجة وحدة...السحر و هنا برد ليها الما فالركابي و خلا البرودة طلع معاها...
•هادا رد فعل فاتي فما بالك بساريتا لي تايقة فيها لدرجة مخليا باب بيتها محلول ليها؟و هي ستاغلات ثقتها لمصلاحتها..
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
