زواج متقف

bart 103

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  103

تأففات بسخط و حرب قوية داخلها تراكمات...ناضت من بلاصتها مرفوعة و فكل مرة كاتجي صورتو امام أعينها حتى ضربات رجليها بغيض داخلة للحمام زادحة الباب من وراها...

بعد 20 دقيقة كانت ݣالسة أمام المراية كاتبرز عيونها البنية بقلم مكحلاهم...لابسة قندورة فالزرق جايا مع بياض لحمها...و شعرها مجموع بظفرة ظافرا ݣصتها مطلعاها الفوق ما مخليا زغبة نازلة مع وجهها...ختمات ݣلستها بمرطب مدوزاه على شفايفها...و ناضت مصوبا لنفسها نظرات غرور و هي كاطلع و تنزل فالقندورة لي جاياها على فورمتها...رفعات راسها بعجرفة و تاجهات للباب حلاتو نازلة للتحت... و مورالها طالع مستعدة للمواجهة مع ولادو غير بوحدها هاد المرة...

ماشية بخطى غير مسموعة كاتقلب بعينيها لعلى و عسى يبان ليها شي حد...مستغربة من هاد الصمت الغريب لي كايجول...حتى قفزات من بلاصتها حاطا يدها على قلبها ...ضايرا دغيا لجيهة فتاح لي كايمضغ فالمسكة...و تخنزيراتو ليها طيحات فيها النص...

فتاح:أ فين أ قحي•بة پا...شفتك كاتسحتي كي اللفعة...[طلع و نزل فيها بحقد رافع صوتو]بربي و نلقاك كاتفكري تهربي حتى نقطع لملتك طراف طراف  قبل الواليد...

ساريتا:[خرجات فيه عينيها]مالنا ما نخافوش...شتك معلي عليا صوتك و كاتعاير بلا حشمة...ما علموكش تحتارم لي قدك...

فتاح: أشنو غايوقع الى محتارمتكش..غاتشكي بيا لراجلك؟..

ساريتا:[حطات يديها على خصرها كاتشوف فيه بنظرات خبيثة]حاشا واش نديرها شي نهار...ماشي من فعايلي نديرها و بزز منك غاتحتارمني فهاد الدار...

فتاح:[خنزر فيها مقرب خطوة ليها]شتك بحالا باغا طلعي فوق راسي أ مرات پا...تشا بالرب إلى ما خويتي الساحة فيها أنا حتى نخسر لختي لافيشور تاع وجهها...

ساريتا:[طلعات راسها مخرجا عينيها بحكم هو طويل عليها]سحابتيني خايفة منك...زيد إلى سميتك راجل...زيد ديرها...

فتاح:[ستافزاتو بكلامها خلات العروق يبرزو معصب]بزز منك أنا راااجل يا بنت الهار•بة...

ساريتا:[ملي جبد ليها مها فالهضرة ضربها للوتر الحساس و حمارو عينيها معصبة]شكووون كذب عليييك و قااال رااااك راااجل...بزاااف عليييك حتى تكووون رااااجل و نتااا كاتمضغ لياااا فالمسكة بحال القحو•ب...

فتاح:سكتتتتتتتي...

ساريتا:لااااا مسااااكتاااش أ الشماتة...كاتحݣر عليا حينت وليييية بوحدي أناااا نووووريك مزااال...

بقوة استفزازها ليه و لرجولتو مراضيش تتهان...رفع يدو للفوق كايترعد بالأعصاب لي شعلات فيه...و هي كاتشوف متشجعة و دافعة الجيهة لكن خوف فداخلها لا يقتلها...ما إن بغا ينزل عليها تحل الباب و دخل دراغون كايهضر فالتيليفون...حتى حبس واقف فبلاصتو قاطع الخط... كايعقد فحواجبو و عيونو بداو حمارو كايشوف فولدو رافع يدو علامن؟...على مرتو و أناكوندتو الصغيرة لي كاتشهق باكية بدموع مصطنعة و تشوف فيه بنظرات خلات بركان يهيج و صدرو يطلع و ينزل...خلاتو  يسد الباب بجهد حتى خرجات سميحة من بيتها مخلوعة...و تاجه لعند فتاح لي خرج عينيه مصدوم من دموع لي نزلات ساريتا و هو بالأصل ما مسها...جمع يدو دغيا منزلها حاقد مناويش بالمرة يضربها حينت باه محلفها فيه مرة و جوج...

فتاح:[شافو جاي قاصدو و هو ينطق بزربة]الواليد أ صبر غانشرح ليك...

دراغون:[عطاه تصرفيقة حارة بظهر يدو ناطق و هو مزير على سنانو]تقادو الكتاف الكلب حتى وليتي ترفع يدك على مراتي...

فتاح:و برب العالي ما ناوي نضربها الواليد راه غير كاتبوحط عليك بدوك الدموع ...

ساريتا:[كاتمسح دموعها التماسيح و تهضر مخلوعة]براكا أ دراغون...وقف عفاك...

فتاح:[غوت مغدد عليها]نتييييي سكتتتتي...

دراغون:[شدو من عنقو خانقو بيد و عروقو بارزين]ماااااا تغووووتش علييييها الكللللللب...