على بعد خطوات بعيدة كانت سيارة سوداء واقفة ورى دار...نزل الزاج اللوراني و ظهرات بنت فأوائل الثلاتينات لابسة نظاظر كوحل خافية وراهم نظرة قاسية شيطانية...
مرفوقة ببسمة خبيثة مرسومة فثغرها و هي مرمقا البيت الفوقاني خارجة من شرجمو العافية....
رجعات راسها اللور دغيا ملي لمحات دراغون خارج من الدار و من مظهرو كايبان مهدن...تسناتو حتى ركب فاللوطو تاعو و مشا عاد هزات تيليفون لي حداها مدوزا الخط...ثواني قليلة و تسمع صوت فالجيهة الاخرى...
•••:[كاتقاد فالݣلسة و تجر ليزار عليها]أ ن..نعام أ ختي لينا..
لينا:جمعي فمك أ نجلاء أنا ما خت حد[بنبرة باردة]المرة الجاية نقلع لسانك من بلاصتو...
نجلاء:[بخوف]هي لي ما تعاود أ لالة لينا...واخا نعرف لاش صونيتي ليا فهاد الوقيتة؟..
لينا:فعوض ما تحكمي فتصرفاتك خربتي الخطة لي غاديين عليها...و لدابا كاتمتعي مع راساتك؟...نوضي تهزي من تماك العاه•رة...
نجلاء:و الله أ لالة لينا ما قدرت نتحكم فراسي و هما خلاوني نهضر...
لينا:ما كايهمنيش[كاتلعب بشعرها]خسارة نتيجة تصرفك البايخ لحتي ماماك تدفع ثمنو...
نجلاء:[تݣعدات من بلاصتها و قلبها كايضرب]ك..كيفاش...أش دخل ماما فالموضوع؟...و..
قبل ما تكمل هضرتها نفاصل الخط قاطعاه عليها لينا...و قهقهة أنثوية شريرة خارجة من بين شفايفها...دوزات الخط لأحد رجالها قايلة بصوت جدي...
لينا:يا ويلكم نلقاها ماتت و لا غاتلقاو ريوسكم وسط العافية و هي كاتاكل فيكم...[قطعات الخط مكملا كلامها بمكر كبير]وقت الحساب عاد بدا أ ساريتا بنت داوود...
دازو دقايق ما طويلاش و هي كاتسنا حتى تم جايين عندها جوج رجال واحد فيهم هاز كريمة مخرجها من وسط العافية و هي سخفانة....
شارت ليهم بعينيها و فهموها فالبلاصة راكبين فلوطو أخرى دغيا مكسيرين....خلاوها بوحدها حتى لمحات نجلاء جايا كاتجري و تعثر فجلايلها...
ضربات ففخاضها و دموعها دايزين كاتحرك راسها بلا...حاسا بقلبها كايتقطع و العافية كاتشوفها شادا فكاع البلايص...بلا عقل بغات دخل للداخل حتى شداتها يد جاراها...
لينا:[مغددة]يا المكلخة حماقيتي!!!باغا تفضحي راسك؟...
نجلاء:واااا ماما للداخل...واااا ماما...خليني ندخل أ عباد الله وا مممم ...
لينا:[سدات ليها فمها جاراها بزز لجيهة اللوطو و هي كاترطا باغا دخل]سدي فمك و زيدي قدامي...
نجلاء:[كاتغوت بهيستيرية حتى بداو الشراجم يتحلو]واااا مّي للداخل طللللقي مني طلللقي...
لينا تفقصات و لي زاد من فقصتها صوتها المعلي فوجهها و الناس بداو يطلو...تعصبات و علات يدها للسما جمعاتها بتصرفيقة حارة سكتاتها حتى دار وجهها...دفعاتها للوطو و دارت من الجيهة لاخرى ركبات...
لينا:ماماك باقا لدبا عايشا بفضلي أنا...[بغات تهضر نجلاء و هي تسكتها بصوت عالي]حسن ليك ما تزيدي كلمة وحدة و لا نسمع صوتك مزال...هادشي كان عليك تفكري فيه قبل ما تخربي خطتي...
فاتي:[كاتهمس محركة راسها كي الحمقة]غانقتلهم...غانقتلهم واحد واحد...[حركات راسها للينا كاضحك]شفتيهم...ياك شفتيهم خداو مني كولشي
حتى من ماما ما وقروهاش...
لينا:هادشي علاش ثقلي فخطواتك و عرفي فين كاتحطي رجليك...[تغيرو نظراتها لنظرات حقودة]جا دورهم يذوقو من نفس الكاس...
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
