زواج متقف

البارت 164

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  176

ساريتا:[قادات الجلسة بعيون كاتلمع]و أشنو غاديري؟...

سميحة:غانهضر مع واحد الجارة تجمع العيالات و نديرو جليسة دايزها الكلام...غا الى ما بردتي هوايشك فالشطيح و الرديح ما سميتي سميحة...و نيت مناسبة نقلب فيها على شي بنت عينيها زرقين شبعي شوفان فيها ديك الساع...

ساريتا:[تحمسات معنقاها]و أخيرا غانخرج من هاد الملل لي أنا فيه...شتي كانحمد ربي لي عطاني عݣوزة حنينة بحال....

قاطعها صوت الدقان المجهد لي يتسمع من راس الدرب...قفزهم من بلايصهم و خلاهم ينوضو كايشوفو فبعضياتهم باستغراب...

ساريتا:[غادة باغا تخرج]شكون هادا لي كايدير هاد الدقان د العسكر...

سميحة:[كانت غاتنزل من الدروج حتى شداتها سميحة]نوي فين غادة تركلي...باغا يقلب أرغد هاد الدار على ريوسنا...هادا باينا غايكون غا شي دري جايب السخرة...[علات صوتها]حسناء..أ حسنااااء....

حسناء:[جاية و عينيها على التيليفون تكونيكطا]نعام أ الميمة...

سميحة:حلي داك الباب شوفي شكون و سيري قولي لفوزية تجمع النسا نديرو الݣليسة كيف العادة....

حسناء:واخا...

مشات حلات الباب و هي تبان ليها بنت برانية على الدرب...و شكون من غير نجلاء لي خنزرات فيها و دفعاتها معصبة حتى تزدحات مع الحيط ساحباها خدامة...

خلات سميحة تنزل دغيا تشالي بيديها مغددة...و من جهة كانت ساريتا نازلة لعندها مربعة يديها...و تشوف فنجلاء شوفات باردة مكالمية على الآخر...يمكن هدوء قبل العاصفة...

سميحة:ايييييه أ فين هاجمة علينا يا الكلبة...[شافت فحسناء المقصحة فراسها و تبكي]لا و زايداها دافعة البنت ما حشمتيش يا الخانزة...

نجلاء:الهضرة ماشي معاك مع ساريتا مرات دراغون المصونة...[دورات عينيها كاتعيط]سااااريتا...ساريتاااااا فيننننك...اجي نزلي لعندي ي...

سكتات ملي شافتها نازلة لعندها كاتمختر بنصف بسمة شر...

ساريتا:أوووو ...شوفو شكون جات لعندنا...

سميحة:[باستغراب و مخنزرة فنجلاء..لي شوفاتها غا على ساريتا]ساريتا...شكون هاد الخانزة؟...

ساريتا:[وقفات مقابلة مع نجلاء]هادي أ عݣوزتي الحبيبة هي بالمختصر كانت صاحبتي و لكن طلعات قح•بة مقطرة...[قربات كثر حتى خافت نجلاء و بعدات شوية]لا و زعمات تحط عينها على حاجتي و دور براجلي...

تفاجئات سميحة و لكن الحاجة لي خلاتها تقاد فالوقفة هي حالة ساريتا و هدوءها الغير الطبيعي...قبل ما تقرب لعندها تهضر كانت وقفاتها بيدها...و عينيها فقط على نجلاء الموسعة عينيها بذعر...

ساريتا:[طولات يدها كاتلعب بخصلات شعرها حتى لواتهم بقسوة بين يدها...خلاتها صارخة بآلم]فين ساحبة راسك جاية مدرمة...هااا؟...[علات حواجبها]لا و الزوين فهادشي ضاربة بنت راجلي...[صرفقاتها حتى دار وجهها]بأي حق دفعيها...[عاودات صرفقاتها...معلية صوتها]بأااااااي حقققق يا القح•بة...

نجلاء:[حسات بالسخونة طالعة معاها ملي عرفات شكون دفعات]طلقي مني ...طلقي...أنا م..مكنتش عارفة بلي بنت دراغون...

ساريتا:[غرسات ظفارها فعنقها خانقاها..زادحة راسها مع الحيط]جمعت ليك بزاف و بحق معزة مك عندي مافضحتكش ...و لكن اليوم فيضتي الكاس بمجيتك لهنا...ما نخليك تخرجي من هنا  الا و نتي ميتة...

سميحة:[ضربات حناكها تولول]هاويلي يا الصݣعة تي تسطيتي...باغا تمشي للحبس...طلقي من البنت خليها تمشي...دعيناها فهاد النهار...

حسناء:[وقفات حداها كاطلبها...كاتشوفها مزيرة عليها ما بقا والو و تموت فيديها]أ ربي لما طلقيها...عفاك...خلي تا يجي بابا و منو ليها...ما ديري ليها والو...

ساريتا:[كاتشوف وجهها ولا حمر و مع ذلك حلفات ما طلقها]جيتي لعندي برجليك اوا تحملي المسؤولية....[زيرات على سنانها بشر هاضرة]غانوريك كيفاش دوري ليا براجلي و تحطي عليه العين...