زواج متقف

البارت 51

     ▪️فجهة أخرى كان دراغون متكي قدام اللوطو...كايلعب بالسوارت فيدو...و مرة مرة كايحرك راسو لراجل كبير فالعمر...مقابل معاه كايشكرو و يعاود...على العرس للي تدار و القاعة لتقامت فالدرب (الى عقلتو عليه)...

••••:الله ينورك طريقك ا ولدي من الشوك...الله يعطيك فرحة قد الفرحة للي فرحتي بيها بنتي...

دراغون:(تحنا باس ليه راسو)هادا واجبي الحاج...(كمل بصوت ثقيل)وصلاتني خبار بللي العرس تأجل...اشنو طرا؟!...

•••:(نطق بحزن)عوينة و صابت بنتي...نهار مشات للحمام نصبو عليها فخلطة...و ها الراجل هرب و خلاها معلقة...

دراغون:(حك لحيتو بهدوء و مولات الفعلة عارفها)فيها خير الحاج...

•••:و الله يجازيك بالخير أ ولدي...تصبح على خير...

حنا راسو و مشا...و دراغون بقا شحال واقف حتى هز تيليفون مدوز الخط لواحد من معارفو...

***:(بضحكة خبيثة)اهلا بالبزناز الكبير...

دراغون:(بنفس النبرة نطق)عاش من سمع صوتك...

***:لقيتيني عاد ساليت شي خدمة و ناوي نتاصل بيك...

دراغون:شي جديد؟...

****:نبشرك بللي ولادك غايخرجو غدا...

دراغون:(تاجه لناحية الباب)خدمة متقونة...تستاحق عليها 3 مليون...(غير نبرة صوتو للجدية)و لكن فحالة لعبتي بذيلك معايا...غانصايفط ليك راس مرتك حتال لعندك...

***:(نطق دغيا)و لو ...و حنا عارفينك مزيان...بابي ديما غايبقا مفتوح ليك...

دراغون:تهلا...

فصل الخط و دخل للدار... بخطوات تابثة تاجه لطبلة الماكلة...فين كاتحط سميحة العشا و حسناء معاوناها...غا شافت سميحة ولدها مشات لعندو...

سميحة:ولدي...و على سلامتك مللي جيتي...فين كنتي غابر حتال هاد الوقيتة؟..

دراغون:راكي عارفة الواليدا الخدمة...

دور عينيه فالطبلة رافع حاجبو مللي ما لقاها نزلات...و سميحة بحالا فهماتو...

سميحة:ما قدات تاكل تا حاجة أولدي...عاد طلعت عندها...

دراغون:(نطق بنبرة خائفة)من الغدا و هي مواكلا والو؟...

سميحة:اييه أ ولدي...دوز تعشا قبل ما يبرد...و انا نعاود نطلع نشوفها...

دراغون:(باس ليها راسها)غير خليك الحنانة مرتاحة...انا نطلع لعندها...(دور وجهو مخاطب حسناء للي معاجبها حال...)وجدي ليا بلاطو و ديري بحسابنا و طلعيه الفوق...

قال كلامو و قلب الضورة لجيهة الدروج...طالع بخطوات مسرعين الفوق...وصل الباب و فتحو دغيا قافزها من بلاصتها...و هي كانت ساهية و تفكر اش غا دير فحريرتها...من الخلعة بالدخلة للي دخل و الشوفات للي كايشوف فيها ... ناضت دغيا من الفراش واقفة...خلاتو وقف فبلاصتو كايطلع و ينزل فيها...بنظرات متفحصين...منباهر من كتلة الأنوثة للي بازرا منها...بالتريكو ديالو خلا صدرها يبان واقف...ناهيك على سيقانها البيضين للي لون الاسود واتاهم...و شعرها المجموع شفنجة الفوق بارز شكل وجهها...

شكلها المغري خلاه يسد الباب بشوية...و عينيه ماتزحزحاتش عليها...و هي غاتاكل جنابها من التوتر...من نظراتو للي جابو ليها التمام...و خلاها تنزل راسها للتحت حتى توسعو عينيها مللي شافت صدرها مبندر قدامها...طلعات راسها دغيا لعند دراغون للي جاي لجيهتها بخطوات بطيئة و هو ساهي فيها...راسم نصف ابتسامة جانبية خبيثة...هو خطوة للقدام و هي خطوة للور بالعة ريقها...و عاد عاقت بالبلان...