زواج متقف

البارت 53

مدات يديها كاتاكل...و للي فيها ما هناها...مطولا عنقها كاتشوف بنص عين معامن كيهضر... من الخوف خلاها مقررا من قبيلة تحط العين على تصرفاتو... للي متغيرة مللي خرجو من الكلينيك...حتى رفعات حاجبها على الآخر مللي شافتو ضغط على طوف دو بروفيل واتساب...و بانت فيها بنت صغيرة عليها شويا...بصدرها لمكفح لبرا و للي ينوض بوجعران من بلاصتو...و هادشي خلا عافية تشعل فقلبها...معرفاتش مناش و محملات يبقا يشوف فيها...

و هو كايتراسل مع شي كليان عندو...و يدقق فصورتو...و مع كل ثانية عينين ساريتا كايحس بيهم غايختارقو تيليفونو...رسم نصف ابتسامة جانبية و عينيه متبثة على التيليفون...بلا ما يدور لعندها هضر مخاطبها بجمود..

دراغون:غاتجمعي عينيك و لا نوض لملتك نقلعهم من بلاصتهم...

ساريتا:(نطقات بعدم رضى)على زينها هي...(شافتو ضار لعندها بتخنزيرة طيحات منها نص و كملات قالبة هضرتها دغيا)أ احم كانقصد...ماشي عادي تخلي مرتك و تبقا حاضي التيليفون...

دراغون:(جمع التليفون حطو فالجنب...و ضار لعندها ناطق بهدوء)كاتنتاظري مني نوكلك مثلا؟...

ساريتا:(رسمات ابتسامة صفرا)الحمد لله باقي عندي يديا...غا حينت جابت بنتك العشا مجاتش تصايفطها تسخنو تاني...

دراغون:على أساس غاتبقاي ديما ݣالسة و هما يجيبو ليك الماكلة تال عندك...(قرب عندها شويا حتى خرجات عينيها)يا ويل غدا و ما نلقاك واقفا على شغال الدار...غاندير ليك ما كثر...

ساريتا:(دوات كاتبرݣم و هي ما عاجبها حال)كون درتيني خدامة عندك حسن...

دراغون:(نطق بغمزة ليها)ماشي بحال الى كنتي نصابة و دافعة الجبهة...

ساريتا:(تفكرات النصب فالحمام للي ما دارتوش عن قصد و نطقات بعفوية)و بحلوفي كانت نيتي صادقة...و ربي شاهد...

دراغون:نهار على نهار كاتزيدي تبثي ليا بللي مزوج بلفعة...(كايمرر يدو على ملاميحها)هاد التصرفات معنديش معاهم...ديري عقلك...

ساريتا حركات راسها بالإيماء...و ضارت كاتكمل ماكلتها بهدوء و تا هو خلاها فراحتها...مرجع راسو اللور متبعها بعينيه...حتى قاطعو صوت تيليفون...دور راسو للجنب و لقاه عويتق ...هز التيليفون دغيا و ناض متاجه للبالكون...
و عينين ساريتا حاضياه متزحزحاتش...الدغمة هي اللخرة مقدرات تحطها ففمها و احساسها فشكل زارها للداخل...ما لقات غير حل وحيد باش تعرف و هي تنوض طلق وذنيها تجسس عليه...واخا خافت يحصلها و لكن زعمات و ناضت بخطى بطيئة لجيهتو باش ما يقشعهاش...وقفات قريبة شويا من وراه و هو كايهضر فالتيليفون ما مسوق ليها...

••عند دراغون...

دراغون:امدرا اشنو لقيتي؟..

عويتق:لحد الساعة مالقيتش شي حاجة ا برو...

دراغون:(ببرودة نطق)نص ورقة الثانية غلباتك!!؟...

عويتق:مزال كانقلب ا برو و ما نرتاح تا نلقاها و نجيبها ليك...

دراغون:(دور راسو شويا حتى لمح ساريتا واقفة كاتصنط عليه)الدار لف**** غاتعاود تقلبها مرة و جوج...و ما تجي حتى تجيب نص الرسالة...(قطع عليه)

غا شافتو سالا الهضرة  و هي طير دغيا لبلاصتها كاتمثل انها كانت كاتاكل...و هي مصدومة من الهضرة للي قال ليه...و الرسالة للي كايقلب عليها فالدار للي هربات منها...غا تاكل جنابها من العقل ديالها فين كان... نهار كتبات ليه الحقيقة كاملة...و قطعاتها و من التلفة ما شافت فين لاحتها...على هادشي تا الماكلة ما قادرا دوز ليها...