الناس خافو منو و كل واحد مشا لشغلو...اما هو باقي ما بردات ليه...باقي كاينهج و دقات قلبو المتسارعة باين شحال خايف...مدام هي مزال ما حلات عينيها طبيعي يكون خايف عليها...
دخل لعندها و قرب لجيهتها بخطوات تابثة...و عيونو نظراتهم مصوبا لجيهتها بخوف كبير مسيطر عليه...تحنا كحزها من بلاصتها شويا...و حيد سبرديلتو و تخشا حداها مقادها فوق صدرو...كاتبان بين يديه كي الكميشة...واخا حس براحة نسبية من قربها ليه...و لكن متسوقش ...هز يدو طلق شعرها...كايسرحو على طول ظهرها مرة يلعب بيه...و مرة يشم ريحتو لكانت مزالة فيه ريحة الفراولة كاتعطي...حتى تسمع صوتو ناطق بنبرة هامسة و انفاسو كاضرب فوجهها...
دراغون:سوى بغيتي و لا كرهتي...نتي ديالي و ملكي...و بلاصتك حدايا...حتى حد مغايبعدك على دراغون...حتى الموت براسها...
عنقها بيديه بجوج بتملك بقوة مزير عليها فحضنو...تنهد بتعب و هو منزل راسو لجيهتها مركز مع ملاميحها الهاديين...و تنفسها المنتظم...حتى بداو عينيه كايتغمضو...و غاص هو الاخر فنوم عميق...
بعد ساعتين بدات ساريتا كاتستارجع وعيها...و عيونها بزز باش كاتحلهم بسباب اشعة الشمس...بغات تحرك و لكن لقات راسها مكثفة كاملة...ملاقيا حتى فين تحرك يديها...و الجهد ممعاونهاش...و لكن هادشي خلا دراغون يحس بتحركات فوق صدرو و يفتح عينيه...و مصاوبهم جيهتها و هي كاترمش دغيا...و تخبي راسها فصدرو من اشعة الشمس لضاربا فيهم...و هي ساحبا بللي الباياص هاداك حينت مزال دايخا...و لكن الدوخا طارت لهلا يطريه ليها مللي شافت راسها تقلبات و ولات للتحت...و دراغون فوق منها حاط يديه على الباياص باش ما يفورصي عليها...كايشوف فيها بعينين نايمين فيها و فرحة كاتبري فعيونو...من شوفتها و هي بخير و مستارجعة وعيها...اما هي كاتشوف فيه بصمت موسعا عينيها فيه و كاترمشهم دغيا...زرب عليها زربة خلاتها غير كاتشوف...
دراغون:هاكا حسن امراتي الزوينة...(قرب بشفايفو لوذنيها ناطق بهمس و لحيتو كادغدغها)من اليوم...انا ظلك للي فيه تخباي...(عضها عضة خفيفة فشحمة وذنيها حتى قفزات)متافقين ا حبيبتي؟...
ساريتا تصلب كل بلاصة من جسدها من كلمة حبيبتي...تفكرات ليلة البارح و بلا ما تحس حركات راسها بواخا..حتى نتابهات لفين هي و نزلات حواجبها باستغراب...هاد البلاصة مخافياش عليها...
ساريتا:(نطقات بصوت ضعيف)ف...فين انا؟..
دراغون:(مرر ابهامو على حنكها لصبح حمر بالحشمة)نتي فالكلينيك...فالبلاصة للي فعايلك وصلوك ليها...
ساريتا:(نطقات بهدوء و هي قالبة نظراتها للجيهة لاخرى)غلطت بقلة عقلي...و مغاتعاودش...
دراغون:(رفع حاجبو و هو مركز شوفتو فيها)شوفي فيا...
ضارت بوجهها لعندو حتى حطات عيينها فعينو...بلا ما تجادل معاه كيف العادة...خلاتو يصغر عينيه بريبة من طريقة هضرتها...و نظرتها ليه لكانت مختالفة و فشكل...نطق باستفسار و هو مقرب وجهو ليها...حتى غمضات عينيها من انفاسو الحارة لكاتضرب فيها...
دراغون:واش بيك؟...(لمس جبهتها بصباعو لقاها ما طالعاش ليها الحرارة)كضرك شي حاجة؟..
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
