الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 113
حسناء:راه هي التحت بغات تجمع الكوزينة...
دراغون:[طبطب على راسها بلمسة حنينة]واخا سيري أ بابا تنعسي..
حسناء حركات راسها بواخا و حناتو غادا تخرج و دراغون كايشوف فيها و حالة بنتو جاتو فشكل...بقوة المشاكيل لي طراو مؤخرا غفل عليها من فوق خاطرو... حتى على غفلة وقفات و ضارت لعندو بعيون دامعة... مشات كاتجري لجيهتو عنقاتو خاشية وجهها فصدرو كاتبكي...خلات دراغون يعقد حواجبو باستغراب محاوطها بيديه الكبار...كايمرر يدو على ظهرها بلطف كايسكت فيها...
دراغون:شششش مالك أ بنتي علاش كاتبكي؟..
حسناء:[الصمت غير كاتبكي و دموعها ضروه فقلبو]
دراغون:[تفكر ساريتا و قال بنبرة حادة عيونو بداو يحمارو بالأعصاب ]واش ساريتا قلقاتك بشي هضرة؟...
مباشرة بعد انتهاء كلامو كانت وقفات حدى البيت لي محلول بابو صدفة...و اخر ما قال دراغون وصلها و خلاها تعض فظفارها بنوع من الندم و الخوف... على داكشي لي دارت لحسناء فوقت عصبيتها الزايدة...
🔙🔙
كانت ساريتا واقفة فالكوزينة كاضرب الجفاف للأرض تحت أمر سميحة...طالعا ليها القردة و أعصابها على الحافة ...و سميحة باش تلوي يدها و تسمع لكلامها ستاغلات مرض مها باش تولي كنتها طيعها فأي حاجة...كانت تفكر و تجفف على قلبها قريبة تسالي زربانة باش تهضر مع مها...و حسناء حداها كاتعلق بزز تهز شي حاجة من الفوق و مرداتش البال لقرعة الزيت حداها...و بدون سابق إنذار طاح الزيت مكبوب على الأرض معمرها و شويا منو ترش على ساريتا فوجهها...خلاها توقف أشنو كادير مكوانسية ..طلعات راسها مخنزرة لجيهة حسناء لي وسعات عينيها ما دارتهاش عن قصد...و لكن معامن غاتفاهم مع ساريتا لي شافت كاع داك التجفاف تضرب فالزيرو...و تابعها تهضر مع ماماها لي ما دوات معاها هادي ربع سنين...
حسناء:[بالرغم أنها معندهاش معاها نطقات باعتذار]سمحي ليا مدرتهاش بلعاني...
ساريتا:[خرجات فيها عينيها]سماحتك زيديها فيك الكلبة...نظل نجفف من صباح[شداتها من شعرها كاتدي و تجيب فيها و حسناء كاتنتر منها] باش تجي يا الحمارة تكبي ليا الزيت بلعاني هاا؟...
حسناء:[كاتنتر من قبضتها لي شادا بيها شعرها]حاشاك قالاك كلبة...واش مكاتفهميش ولا شنو...راني طلبت منك السماحة زعما و قلت ليك مادرتهاش عن قصد...أش بغيتي كثر...
ساريتا:[بالأعصاب لي عاميين عينيها ما بان ليها غا موس حداها هزاتو و حطاتو فوق عنقها...تحت صدمة حسناء لي خرجات عينيها مخلوعة]و زايداها بتخراج العينين...ضسروك الكلبة بنت الهارب•ة فهاد الدار...حينت لقيتي كولشي موفر ليك[زيرات على سنانها ناطقة بعيون حمرا]غان•قتل مك فبلاصتك و نحيدك من طريقي نيت...و نتبعك ديك الشارفة تاع جداتك [حركات راسها مغددة]باغا نديرها هااا؟؟...دوي...باغا نديرهاااا؟...
حسناء:عفاك تهدني شويا[نزلو دموعها كاتبكي بحرقة]كانقسم ليك ما درتها بلعاني..كانقسم ليك أ ساريتا...و الزيت لي تكب أنا غانجففو غير ما ديريهاش...
ساريتا:هي دبا...[غوتات عليها فوجهها دافعاها حتى زلقات طايحة]تحرررركي...و يا ويل هادشي يوصل لشي واحد خصوصا باك...من هاد الدار غانجري عليك و نرتاح منك و من فشوشك...
ساريتا زفرات بغيض منها محيدا الموس...كاتحاول تكالمي راسها بعد ما ستاوعبات اشنو دارت..
🔙🔙
دقاو قلبها تسارعو و ريقها نشف مخلوعة...كاتسنا أشغاتقول حاطا وذنيها قريب للباب..
أنت تقرأ
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
