زواج متقف

بارت 159

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  171

دراغون:[بنظرة مميتة كاتجمد الشخص لي طيح عينو فوسط عينيه]دراغون كايعطي فرصة للغالط...[حول نظرو لجيهتو]فرصة وحدة... تخليه يرتاكب أفعال كثر...و فاللخر نفديهم فيه واحد بواحد...بطريقة عقلو ما يستاوعبهاش ...حتى يتمنى الموت و ما يلقاهاش...

عتيق:[سكت و كتافا يحرك راسو بفهم]

دراغون:تحرك لخدمتك السلعة ما بقا ليها والو و توصل...[تقدم بخطواتو للأمام ناوي يخرج حتى استوقفو صوت عتيق]

عتيق لي عاد تفكر شي حاجة و خاف لا يقولها لدراغون...خصوصا و أنه نسا البلان و عاد تفكرو فوقت معطل...

عتيق:أحم برو ممكن دقيقة...[وقف دراغون داير لعندو...باشارة من عيونو ليه بمعنى شنو]أحم رجالنا  لي محاصرين الدرب من أيام هادي لمحو شي حركة غريبة تماك...و البارح تأكدو منها...

دراغون:[دوز إبهامو على شفتو السفلية بنظرة شر]إذن طلع شي عندو زعامة كبيرة يصايفط رجالو يراقبو وكر دراغون...

            ٭_٭_٭_٭_٭_٭_٭_٭_٭_٭_٭_٭_٭

من دون ارادتها ستاوعبات ما سمعات حاسة سمعها...بلعات ريقها لي نشف...و رجليها حسات بيهم ما بقاوش هازينها...

بصعوبة باش تمالكات راسها و زادت بخطواتها للقدام نازلة بخطوات سريعة...دخلات لأول غرفة بانت ليها و سدات الباب...و معاه نزلو دموع لا متناهية كايتسابقو...

نجلاء:ك..كيفاش!!...[نتفات شعرها]كيفااااااااش طورات علاقتهم كيفااااش...[ضربات واحد الديكور حتى طاح]انا لي لااااقييييتو بيهاااا بااااش يهنننيني منها ... علاااش ما داااارهااااش علاااااش؟؟؟[طاحت على ركابيها كاتهنج]دمرااات حيااتي بسببببابك...و أنا فهاد البلاصة بسبابك....[مسحات دموعها]ما غانخليكش تفرحي فحياتك من ورى ما خرجتي عليا....غانسرق ليك سعادتك و نغص عليك حياتك....غانخلي دراغون يقتل ولدك و هو فكرشك و هاااانتي غاتشوفي....[غوتات بحر جهدها]غااااااتشوووووفي....

__________

فالجهة الأخرى كانت لينا كاتمشي و تجي على طول المكتب...ملاميحها يوحيو للعصبية المفرطة من هادشي لي سمعات...

لينا:كيفاش ...كيفاااااش...كيفاش قدرات تحمل هاد اللفعة الترابي بعد هادشي كامل لي خططت ليه!!!..

الراجل:[قرب لجيهتها]ميس لينا كالم...ما تخليش هاد الموضوع يستافزك و يعصبك...

لينا:[ضرباتو لصدرو كاضحك بفقصة]كااتبوهل عليا؟؟...كيفاش غانتهدن و مخططي كامل ضاااع...[شارت لراسها]دبا أنا خاصني نتسنا تسع شهور باش تولد عاد نفذ مخططي و نقتلها ولا شنووو!!!؟...

الراجل:إذن ختاصري عليك هاد الشهور كاملين و قتليها و ولدها فكرشها...ساهلة...[بنبرة مخلطة بالقليل من الخوف]ما تزيديش طولي فالموضوع كثر من القياس...و ممكن فأي لحظة توصل الخبار لدراغون بلي مراقبينو...

لينا:[خنزرات فيه]حسابي مع ساريتا بن داوود بوحدها...مستحيل نقتل ولد بريء ما ذنبو فوالو...[عطاتو بالظهر]و دراغون قبل ما يكشفنا غانكونو سالينا لي جينا على ودو و سافرنا للخاريج...

              ___________________

        فاللــــــــيل

فوقت متأخر من الليل...و فجو بارد يضرب بلمساتو فوجهها...و يلعب بشعرها المسرح على طولو...كانت واقفة تسقي فالنباتات لي فالبالكو...و عيونها لا إراديا كايزلقو للتحت مع كل صوت لوطو جايا...ظانة أنها ديال دراغون و لكن مكانتش ديالو...

من ساعة و هي واقفة ما عيات و لا ملات...الشوق كلاها و شوفتها ليه و بالأخص لعيونو المشهياهم ما مخلي النعاس يزورها...و لا البال يرتاح ليها...

حسات برجليها ضروها و مشات جلسات فالفوطوي جامعة رجليها لعندها...و مربعة يديها ترعد بالبرد بالرغم من البينوار السخون لي لاوياه عليها...

ساريتا:[منزلة شفتها السفلية التحت بقلق]علاش تعطل..ما موالفاليهش...[تنهدات بحزن]ولا حينت قلت ديك الهضرة لي ما خاصهاش تقال...[توسدات يدها حاطة راسها]و لكن و بحلوفي ما درتها لبلعاني...

ضربات جوج د الليل و هي فايقة تسنا فيه... مرة مرة تشرب من الحليب السخون المعطر بالعشوب صايباتو ليها سميحة...حتى بدات بدات تغمض عينيها من التعب ديال هاد النهار...