زواج متقف

البارت 44

سد الباب و شدها من خصرها غادي بيها للدار بشوية على حساب حالتها...و هي تابعاه بصمت و هدوء...و مرة مرة ضور بنص عين تشوف فيه...فحالتو لجاتها غير طبيعية...هضرتو اليوم معاها فالصباح كانت قليلة على غير المعتاد...دخل ليها الشك فراسها فهدوءو لممريحهاش...
وقفو قدام الباب مخرج سوارت الدار من جيبو...فتح الباب و هي قلبها غايخرج من بلاصتو...هنا فين غاتبدا عيشة جديدة مع راجلها و ناسها...وسط ولادو للي بالطبع مغايتقبلوهاش بسهولة بيناتهم...
دخلو للداخل تزامنا مع خروج سميحة من الصابون لجيهت ولدها مع بسمة كبيرة...

سميحة:(و هي كاتشالي و ذهوباتها مزينين يديها)اهلا اهلا بوليدي الحبي

رويدا روايدا بدات تسكت ...و بسمتها ختافات مللي لمحاتو معاها...لمحات البنت للي هربات من ليلة عرسها هي و ولدها...و كانت غاطيح بوجه و سمعة ولدها للأرض...البنت للي بنت صاحبتها و لكن دبا ما بقاتش...خرجها من تفكيرها صوت دراغون و هو رافع حاجب ليها...

دراغون:الواليدة...(جر ساريتا للي غير كاتشوف فيهم حتى تخطبات معاه)مغاتباركيش برجوعي مراتي الزوينة(ضار بالمهل كايشوف فساريتا للي كاتشوف فيه بنص عين)

سميحة:(رسمات بسمة عريضة مزيفة)نتا حر ا ولدي فحياتك...ما عليا غا نقول ليكم مبروك ما درتو...

ساريتا:(نطقات و هي حاطة شوفتها عليها بلا حشمة)الله يبارك فيك ا خالتي...

فور انتهاء كلامها تسمع صوت من ورى سميحة...كان صوت حسناء و هي ناطقة بصدمة...و هي جايا و كاتقرب لجيهتهم...انظارها مرة فباباها و مرة فساريتا...

حسناء:بابا...اش كادير هاد النصابة عندنا فالدار؟...

بغات تفتح ساريتا فمها توريها نصابة اشناهيا...حتى حسات بصباعو تغرسو فخصرها...بحالا كان عارف غاتقول شي كلمة للي غاتخليه تخرجو على طوعو...

دراغون:(هضر بتباث مخنزر فيها و هيبتو سابقاه)صفحة و تطوات...و هادي مرات باباك ساريتا...و من اليوم عليك بالاحترام ليها...

حسناء:(نطقات بعدم تصديق)مراتك ؟!!...(خفضات صوتها)و انا اخر من يعلم ا بابا!!؟...

دراغون:(رمقها بنظرات حادة)نتشاور معاك مثلا!!؟..

حسناء:حاشا ا بابا...(قالت بصوت مخنوق..حابسة البكية)و أنا...انا للي بنتك أ بابا...(ورات ليه يديها لنايضين فيهم حبوب كبار و كاين لفيهم القيح)شوف الحالة للي دارت ليا ا بابا..

ساريتا:(نطقات بأسف و هي مخاطباها)غلط و نادمة عليه..مكنتش باغا هادشي يوقع ليك و..

حسناء:(قاطعاتها بصوت عالي و هي مخنزرة فيها)نتييييي بالأخص ماااا دويتش معاااك...

دراغون:(نطق بصوت عالي بنفاذ صبر)حسنااااااء...بييييتك...قبل ماااا نتصرررف معااااك شي تصررررف مغااااايعجبك...

شافت فيه حسناء بعيون دامعة...عمرو غوت عليها فوجهها...ولا عاملها هاد المعاملة حتى جات هي....مراضياش يغوت عليها و قدامها هي...مسحات دموعها بجهالة و ضارت كاتجري لبيتها بلا ما تزيد كلمة...

سميحة:(نطقات كتهدن فدراغون للي باين الغضب من وجهو)ما ديش عليها ا ولدي...راك عارفها مزال صغيرة...و صعيب عليها تستاوعب زواجك بساريتا...غا تسايس معاها حتى يحن الله و تفهم...

دراغون:(قلب نظراتو لجيهتها)الفشوش فهاد الدار ما عندنا ما نديرو بيه...للي قاس مراتي بكلمة ما نعقلش عليه...(بلا ما تحس ساريتا فكات غوباشتها عاجبها الحال من كلامو عليها)

سميحة:اييه أ ولدي... وما فكرتيش اشغايوقع مللي يجيو ولادك غدا؟..