زواج متقف

bart 184

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  184

دراغون:[قاد جلستو كايشوف فيها شحال]ما نصحكش تخدمي هاد الأسلوب معايا...كل واحد على أغلاطو مع دراغون غايتحاسب..[ذار بعينو لكريشتها]نتي ديها غا فالپيپي و فراسك...

سميحة:[نقزات..هاضرة بشر كاتشوف فساريتا]ها ما تعصبش أ وليدي خليتي مراتك وراك ...قادة بشغالها...يحلفو عليها موالفة تقتل البنادم[حطات يد فوق يد و دراغون يتصنت ليها و يشوف فساريتا مخنزر فيها]علاه ما شتي أ وليدي خانقة السيدة حتى كانت غاتقتلها..[تنهدات بحزن مصطنع و بنص عين سايتا تشوف فيها]يحسن عوان هادا لي فكرشك كي غايطلع...

دراغون:[زير على سنانو...ضابط أعصابو بزز]حاملة و مزال ما عوالة ديري عقلك؟!!!...توحشتي لديلمك العصا...

ساريتا:[تمتمات بصوت خافت كاترمش عينيها فيه]هي لي بدات...ستافزاتني بديك الدفعة لي دارت لبنتك...و ما صبرتش و خنقتها بيديا...

دراغون:ديك الساعة لملتك عيطي لرجالي و هما يتكلفو ولا جاتك صعيبة...و بغيتي ديري شرع يديك...

ساريتا:[بتاسمات بحشمة...مسبلة عينيها فيه]هاويلي لا أ حبيبي ما جاتش نعيط عليهم و أنا لابسة المقزب...[عضات على شفايفها تضحك من حشمتها المزيفة و تحرك كتيفاتها]ما قادرة نشوفك معصب ...

هنا سكت ما قدر يزيد كلمةاخرى...و علاه هو يقدر؟...عارف هاد المرة غايهضر بيديه...من  الطريقة باش كاتهضر معاه...ناوية تجننو ما فيهاش بهاد البرودة لي هاضرة بيها...

ناض من حداها بلا ما زيد كلمة فوق هضرتها...خلاها متبعة ليه العين حتى اختفى على أنظارها...و دارت دغيا لعند سميحة المحركة راسها بأحياني عليك يا اللفعة و ما يعرفك...

ساريتا:ياك أ خالتي ياك...قايلة ليه أش درت ...ما نبقاش فيك أنا...

سميحة: نتي عارفاه دمو سخون ما يعقل على حد....و نتي ما درتي فيها ما يصلاح أ بنت فضيلة...ها ما حشمتيش ݣالسة تشعلي العوافي...و قايلة ليه ديك الهصرة مزوقاها كيف بغيتي...

ساريتا:[ميلات شفتها السفلية التحت]هادي هي طبيعتي أ عݣوزتي الغزالة...الواحد لي يقلل عليا الاحترام...نخليه يحتارمني بزز...

سميحة:[تنهدات باستسلام]ما كذباتش مك ملي قالت لسانك مبري منك...[شافت فتاح داخل مع الفتاح...الضحكة واصلة للوذن...و هي تعيط ليه]فتاح...هااا فتااااح أجي لهنا نهضر معاك...

فتاح:[جا لعندها باسها فراسها]وا فرحي الميمة فرحي لقيت خدمة...من غدا نصايفطك أ العمر للحج...

سميحة:[ضحكات بفرحة]هي وليدي الحبيب دار عقلو و لقا خدمة....مبروك عليك أ وليدي مبروك...

ساريتا:[طلع فيه و تنزل كاتهضر مع راسها]أيااه نتا لي جات معاك أ وليدي..تا الاحترام ما متعلمو بقا لبوه غا الخدمة...[ناضت... و زغرتات ظن وراه حتى قفزاتو]لولولولووووووووووي....و هادي خبار زينة...

فتاح:[خنزر فيها]نتي ما غاتعطينيش التيساع لا؟ فين ما ندور لقاك حدايا ولا شنو؟...

ساريتا:غا بحساب هاد الخبار الزينة كي وجهك غاندير براسي ما سمعتكش...[ضربات على كتفو]سير لعند باك راه موصينا غا تجي نصايفطوك لعندو....واقيلة ساق الخبار...

فتاح:[شاف فيها بنص عين و دار لعند جداتو]فين هو الواليد أ الميمة...

بغات تهضر سميحة تقول ليه ما كاين والو من هضرتها حتى قاطعاتها ساريتا...

ساريتا:سمعتو طالع لفوق...يمكن غاتلقاه فالسطح...

خنزر فيها...ضرب فيها و زاد...مخليها راسمة نظرة شر تحك فيديها...رجعات ݣلسات على السداري...و سميحة قارمة فبلاصتها تشوف فيها و لاخرى تشوف...

ساريتا:[تكات على المخدة مربعة يديها]خالتي سميحة ما تشوفيش فيا هاكا...نتي عارفاني من صغري لي يقلل مني ما غاندوزهاش ليه...

سميحة:اييه عارفينك ...و عارفة حتى نتي و فتاح كي المش و الفار هنا...يا هاد البنت ديري عقلك راك قريبة تولي أم...راجلك دبا شاعل  على سبة ما خفتيش دبا يقربلوها بسبابك...

ساريتا:وا راه داكشي لي بغيت...[علات حواجبها بجوج]ماشي غا أنا بوحدي لي فينما يتعصب يجي يبرد فيا عصبو...خليهم يذوقو شوية....

سميحة:[حذراتها بسبابتها]أ شوفي أ بنت فضيلة...قسما بالله و لقاك كاتخططي تشعلي العافية بيناتهم يا حتى نوريك شي وجه عمرك شتيه...

ساريتا:بالعما واش نفكر نديرها شي نهار[بجدية مصطنعة كملات هضرتها]بالعكس أنا هنا كانفكر غا فراجلي بوحدو...فبلاصة ما يدير شي موصيبة يندم عليها...أحسن حاجة هي يخرج أعصابو فولدو...[سمعات الغوات جاي من الفوق و هي تسبل عينها ببراءة فسميحة]شتي ها هو بدا يخرج أعصابو...خاصك تشكريني...راه أنا نصلاح نكون طبيبة نفسانية...