Koleksiyon ng mga Tula (Tagalog)

Respeto

Requested by: Ronaldo Cruz

Pagsasakrispyo ang kaniyang puhunan,
Habang tayo'y nasa sinapupunan,
Mga mahahalagang bagay sa kaniyang buhay kinailangang iwanan,
Masigurado lang ang ating kaligtasan,
Sa ating paglaki siya'y nakasubaybay,
Sa bawat paghakbang siya'y nakaantabay,
Ang ating ina'y handang gawin lahat para sa atin,
Di alintana kung sa tahanan lang siya mabinbin,
Dakilang maituturing ang ating ina,
Lahat ay kaya niyang isaalang-alang, di man natin makita,
Kung wala siya'y wala tayo rito sa mundo,
Kaya't karapatdapat siyang bigyan ng RESPETO.