ناضت فوضة كبيرة راحو كامل يجروا عندها هبطت قعدت قدامها عديلتها رأسها الدم يجري منو وليت نفيق فيها يا ريما أنا خيتك نوضي والله ما قصدي وما بلعاني شفتوا قدم عندي هز يدو راح يضربني يقولي يا ربك هبلتي علاه . وقفت في وجهو اسمهان قاتلي اصيل بعد عليها قتلوا والله ما بلعاني والله كنا نهدرو وكنت حاكمتها مكنتش راح ندزها والله صدقني . كانوا هزوها باباها ومسلم ولحقوهم حتى هو شاف معايا ولحقهم بقيت غير أنا وأسمهان معمقتين قتلها يا اسمهان والله ما بلعاني باك مصدقتني هيا كانت راح تحكي كلش وانا خفت تفضحني قدامهم مفقتش مع روحي كيفاش طاحت وحدها .مسحتلي دموعي وقاتلي علابالي طاحت وحدها المهم كي يجيو يسقسيوك احكيلهم كلشي قتلها لالا أنا لازم نخرج من الدار قبل ما يرجعوا تحوسي خالي يرجع يقتلني . قاتلي هبلتي وين تروحي ما عندو ما راح يديرلك طاحت وحدها ريمة أصلا دوك تفيق وتقولهم كلشي متخافيش أصلا واحد ما يقدر يدور بيك مدامني أنا معاك . درتلها براسي اله . هيا عيطت تسقسي وانا بقيت حاطة يدي على قلبي وندعي قولولي يا جوليا نوضي خبي هذيك السيرانق ودوا لي راهم مطيشين لفوق في الشمبرة . بصح تالمو كنت مركزة غير وش صرى لريمة متفكرتهمش . كوبان اسمهان قاتلي راهم قالولي مكانش حاجة تخوف تفتح رأسها برك من لور وخيطوها سبع غرزات وفاقت صاي يحكموها عندهم للصباح وتجي . قتلها صح مراكيش تكذبي عليا قاتلي والله راني حكيت مع وسيم هو لي قالي وحلفلي . قتلها الحمد الله يا ربي الحمد ، بقيت كل دقيقة نقولها زيدي عيطي سقسي تعيط لوسيم يقولها راهي لباس . فاتت ساعتين شفتوا داخل ديراكت وقفت تخبيت ورى اسمهان ما شافت فيا فات ديراكت لفوق شافت معايا اسمهان قاتلي شفتي قتلك واحد ما يهدر معاك . حنا معبرو نسمعو في التقربيب لفوق شوي وشفتوا هبط ديراكت جا عندي جبدني من يدي ويعطيني كف ما فهمت والوا كنت واقفة قريب طحت عاود وقفني هز يدو فيها سيرانق قالي وش هدا اهدري وش هدا منين جبتيهم بقيت ساكتة سيطر عليا. الخوف لساني قريب بلعتوا . عيط عليا اهدري راني نسقسي فيك وش هدا متهبلينيش .جات راح تقدم عندو اسمهان دزها حتى طاحت . تحول ما ولاش اصيل لي نعرفو عاود ضربني بكف هاد المرة تاع الصح طحت بقات غير يدي حاكمها عاود وقفني بسيف يعيط اهدري يلعن الرآسة تاع باباك الكلب اهدري . بقيت ساكتة شفتي وخشمي يسيحو بالدم . عاودت قدمت عندو اسمهان تحوس تبعدو عليا عاود دزها قالي مش راح تهدري معليش .طلقلي يدي وحكم اسمهان خرجها برة الصالة تاع بسيف وغلق عليها الباب تاع الصالة . ورجع جبد السنتورةًمن سروال .شفت معاه باهتة قتلوا اصيل وش راح دير أخطيني والله نشكي بيك مسمعليش أصلا جاتني ديراكت شحطة للوجه قاسني بيها على وجهي خشمي وفمي الدم عاد يجري مني عيطت على قوة جهدي من الوجع حكمني اهدري منين جبتي هاذ الخماج اهدري بقيت غير نبكي وجع ما بتحملش كي شافني مرجعتلوش عاود هزها شحطني على يديا على قوة جهدو وليت نطير من وجع وهو والله ما حبس ولا حس كل ما يسقسي ومنرجعليش يهبط عليا بسنتورة وين جات تجي تقولو بالاك خاف يقيسني على عيني ولا على بلاصة واعرة يضرب وين جات تجي شفتوا كي قتلكم تحول عاد يضرب فيا ضرب تاع رجال . اسمهان تعيط برة وتخبط في الباب وتبكي نسمع فيها عيطتلهم قاتلهم ارواحوا راح يقتلها راه غالق عليها الباب . وهو لداخل لا كل ولا مل أصلا شفتوا لحمي عاد كامل دم صاي أنا دخت كان حاصرني مع كوانة في الأرض القش تقطع على لحمي بقيت مغطية غير وجهي بيسك حسيت أصلا بلي وجهي ديفورما من الضرب . شوي نسمع فيهم جاو يجرو صوت مسلم ومروان ومسلم في ثلاثة متحامين في الباب راح يكسروه ويعيطو عليه وهو والله ما سامع بيهم حاكمني على الشعر ويضرب يقولي يا تنطقي يا ليوم موتك وأنا أصلا صاي دخت غير نسمع برك . ما جاو يكسرو الباب كان حطني خضرة زقاء من كل بلاصة بعدوه عليا مروان ووسيم ومسلم جا عندي لقاني هكاك دايخة ودم في لحمي كاملة دار عندو ضربوا بونية ديراكت وش درت في الطفلة يا ### هبلت قتلتها دخلو عندي اسمهان ونسا خوالي ولبنات كي شافوني هكاك تشوكاو .يماه دعات عليه قاتلوا روح يا اصيل لا تربح لا تشوف الربح على هاذ ليتيمة وهو يقولهم غير اطلقوني يا تهدر يا نقتلها شفتوا خرجوه يطير وينزل متحاميين في ثلاثة ورجعلي مسلم قالها هاتيلها حاجة لوحيها عليها نديها للسبيطار قاتلوا يماه تديها هكدا تحوس خوك يباصي كان يسقسيو شكون دار فيها هاد الحالة . قالها يما ونخليها هكدا أنا لي نشكي بيه رخيس تاع ولدك كان ما نخرجهالوش من عينيه منسماش مسلم ادا حاطها معندها حتى واحد أنا خوها ولي يقيسها يقيسني . قاتلي معليش على وجهي باين راه كشما قاتلوا ريمة سينو موحال يضربها هكدا باين كاين حاجة سينو ميضربهاش هكدا أنا ميمتك متديهاش لسبيطار عيطلها لريان تجي هنا .كنت نسمع فيهم وأسمهان تمسحلي في وجهي تقولي جوليا راكي تسمعي فيا مقدرتش نرجعلها حسيت فمي مكسر ومنفخ منقدرش نفتحو . حسيت بمسلم طلعني حطني في شمبرتي شوي. وجات. ريان شافتني شهقت قاتلهم هبل اصيل علاه دارلها هكدا هادي تاع سبيطار منقدرش نداويها هكدا معلاباليش بلي حالتها هكدا سينو والله ما نجي وشنو هدا حيوان هيّا تنضرب هكذا وش هدا هبل . جات راح تخرج تروح نسمع في مرت خالي تحاول فيها بسيف ما قبلت .
