حكمنا الهوى (٧٢)
بقلم : الشيماء محمد أحمد
#شيموووو
همس قاعدة زهقانة مسكت موبايلها فتحته لقت رسالة على الواتس من نادر بيسألها عن أخبارها هي وسيف ، ردت عليه لان خطها مش دولي وبعتتله ( أنا وسيف كويسين )
نادر كان قاعد في مكتبه وأول ماوصلتله الرسالة قرأها وماحبش يبين انه عارف حاجة علشان ماتقولش ملك بتنقله أخبارها فبعتلها ( أحوالكم ايه؟ جننتيه ولا عقلتي )
ابتسمت وبعتتله رسالة صوتية ( جننته طبعا بس هو بيحب جناني ده )
ابتسم لما سمع صوتها واطمئن انها كويسة وكانت مشكلة بسيطة وانتهت ، فضل يتكلم معاها شوية وبعدها قفل وراح شاف مرضاه
عند سيف
سألهم عن محتوى الفلاشة اللي بيهادوه بيها
ابتسم ايليجا : انه شريط جنسي كامل حيث يمارس فيه فادي بنفسه الجنس مع والد خطيبتك السابقة كما قلت لك اعتبره عاه*** .
سيف حرك راسه برفض تام وعدم تصديق وردد بذهول : والد خطيبتي شاذ ؟
اندرسون : لا ليس شاذا ولكنه ثمن تعامله مع فادي حيث أخبرتك أنه لابد له من السيطرة على كل من حوله فذلك الفيديو هو ضمان فادي ليسيطر على المحلاوي دائما ولا يرفض له طلبا أبدا ، الآن بهذا الفيديو تستطيع إبعاد فادي عن مصر كلها لأنه لم يتوقع أبدا أن ما صوره بيده سينقلب ضده وبدلا من أن يهدد هو بل أصبح هو المهدد .
ايليجا كمل : الفيديو سيخلصك من فادي وعصام وابنته للأبد ، فعصام أو ابنته بعد هذا الفيديو لن يملكا الجرأة أبدا على الوقوف بوجهك مجددا ، والآن نستطيع أن نقول لك فلتذهب وتقض شهر عسل سعيد.
ابتسم سيف وشكرهم وقبل ما يمشي ايليجا وقفه : قبل أن تذهب لزوجتك اقبل دعوتي هذه المرة على العشاء ، لقد تأجلت حفلتنا بسبب اختفاء زوجتك فلتحضرها اليوم برفقتك واسهرا معنا قليلا ما رأيك ؟
ابتسم سيف و وافق انه يحضر هو وهمس حفلتهم وده أقل شيء ممكن يعمله معاهم
خرج سيف من عندهم مش مصدق أي حاجة من اللي سمعه بس افتكر جملة اندرسون قبل ما يخرج : انتبه؛ فإن فادي سمكة صغيرة وهناك أكبر .
فكر سيف واستغرب ازاي كان فاكر ان عصام السمكة الكبيرة بس طلع في فادي وبعدها تخيل ان فادي هو التوب بس دلوقتي اندرسون قال ان في أكبر منه ، مين يا ترى أكبر ولحد فين هيوصلوا ؟
ركب عربيته واتصل بمؤمن اللي كان مع كريم وحكالهم اللي حصل ونفس حالة الذهول اللي سيطرت عليه سيطرت عليهم هما كمان .
كريم حكاله ملخص اللي يزيد قاله ان في حد محترف من خارج مصر هو اللي دخل شركتهم .
مؤمن علق : أعتقد كده كل حاجة واضحة بس ليه فادي كشف نفسه بسرعة ؟
سيف رد بجدية: فادي ما كشفش نفسه ، شذى اللي كشفته بغبائها والحمدلله انها اتدخلت وإلا الله أعلم كان ايه ممكن يحصل ، لولا هي اتهورت كان ممكن روحنا في داهية كلنا وفادي صورنا في أوضاع صعبة وأعتقد انه كان هيزرع أجهزة في الشركات التلاتة هو بس مالحقش .
كريم اتنهد : الحمدلله فعلا ، دايما بنقول المنحة جوا المحنة بس بصراحة ماكنتش لاقي أي منحة في اللي حصل كله ، ليه شذى تيجي ليلة فرحك وتبوظها بالشكل ده ؟ ايه الغرض ؟ بحاول أطلع بأي حاجة كويسة بس مش لاقي ، الليلة كانت صعبة علينا كلنا لكن دلوقتي الحمدلله انها عملت كده .
مؤمن اتنهد : لو اطلعتم على الغيب لاخترتم الواقع .
سيف ابتسم : فعلا زعلت ساعتها من اللي هي عملته لكن دلوقتي أنا عايز أشكرها على اللي عملته لان ده وصلنا للفيديو اللي هيخلصنا منهم كلهم ، المهم أنا هتصل بسبيدو يسيب شذى .
