فانززززاااااااتتتتشي
أولا كل سنة وانتم بخير بمناسبة العام الهجري الجديد
ثانيا بقى اختفي ليلة أرجع ألاقي الف بوست بيدوروا عليا ؟ وبوستات اعتذارات وبوستات أحسن خليها تخلص وبوستات وبوستات وبوستات
بس سيبكم انتم فرحتوني والله باهتمامكم لزعلي وحبكم وسؤالكم ربنا يديم المحبة
بس نقطة مهمة :
مش أنا اللي ممكن أغير حرف كاتباه طالما مقتنعة بيه ولو مليون واحد اعترضوا مش واحد ولا خمسة فما تقلقوش أنا ما وقفتش الرواية ولا يمكن أوقفها علشان اعتراض كام حد ، يعني هي نسبة وتناسب لما الرواية تكون عاجبة ملايين ويجي ولو ١٠٠ مثلا يعترضوا سوري بس رأيهم مالهوش قيمة مقابل الملايين دي
بعدين نقول تاني محدش قال أبدا ان لازم رواياتي تعجب كل الناس، في ناس ممكن تحبها وناس ما تقبلهاش عادي جدا
يعني الأمور دي بسيطة جدا ما تشغلش تفكيري أساسا .
انا فقط ضد بعض الناس السخيفة لان بالفعل في شوية كده عندهم كمية سخافة غير طبيعية ومساكين ما بيعرفوش يعبروا عن رأيهم غير بسخافة
زي حد مثلا ينزل بوست نمسحه مرة واتنين وبرضه مصمم ينشره علشان بس يقول الحلقة مافيهاش جديد ولا هدف
يعني نعم أفدتنا بإيه ؟ هنمسح مثلا الحلقة علشان نحطلك هدف ، هعيد كتابتها من تاني ؟ يعني بجد انا مش عارفه حد زي كده يتقاله ايه ؟
ولا واحدة تانية ناشرة بوست تقول صورة همس في الغلاف مش عاجباني النهارده غيروها ، يعني نعم ؟ نعيد تصميم غلاف بحاله بياخد ساعات شغل علشان الصورة مش عاجباكي ؟ وفي اللي بيتعاملوا همس كأنها ضرتهم ولما تيجي ترد يقولوا نقد ، نقد ايه اللي خالي من الاسلوب الادبي ؟
لا وبعدين تلاقي اغلبهم بينشروا من مجهول مع انهم بينشروا بوستات تانية عادي
وانا سبق وقلت أي بوست سخيف زي ده مجهول مش هقبله عايزة تنشري باسمك اتفضلي انشري حاجة مفيدة ، انتقدي باسلوب راق واتكلمي واتناقشي
لكن نتكلم بسخافة ومجهول سوري مش هقبل البوست بتاعك .
المهم الرواية في مرحلة انتهت في حياتهم وهنبدأ مرحلة جديدة .
محتاجة لوقت أرتاح فيه وألحق شوية مع اجازة الولاد، محتاجة وقت أكتب فيه ، بعدها نرجع نكمل المرحلة الجديدة .
امتى مش عارفة علشان محدش يسأل رسايل وخاص مش عارفة امتى هخلص الجزء الجديد .
انتظروني الساعة ١٠ في خاتمة حكمنا الهوى .
#شيمووو
