مين كان منتظر اقتباس من عاصفة الهوى ؟
هسيبكم مع الاقتباس
بيتمشى كعادته كل يوم آخر النهار في البلد ، المرة دي كان راكب عجلة وبيسترجع أيام جنانه هو وأخوه ولفهم في كل حتة هنا وبيفكر كمان في كلامه معاه ، كان ماشي جنب ترعة سرحان تماما وانتبه فجأة على زمارة وعربية جنبه خبطت العجلة ، مالحقش ياخد أي رد فعل ولقى نفسه بيقع في الترعة بالعجلة ، فاق من صدمته واتعدل وحاول يخرج بس الأرض زي طينة لزجة ومش عارف يطلع وكل ما بيحاول يطلع بيغوص في الطينة ، سمع صوت واحدة بتصرخ فيه : انت كويس ؟ رد عليا ؟
بصلها بغيظ : مش أما أطلع من الوحلة اللي أنا فيها دي ؟ يخربيت كده ، في الآخر أموت في شوية طين .
ماكانتش عارفة تعمل ايه والدنيا بتليل، فتحت باب عربيتها وفتحت الشباك علشان تمسك في فتحة الشباك ، مسكت باب عربيتها المفتوح بايد والايد التانية مدتها له : حاول تمسك ايدي
بصلها بتردد : هتقدري تشديني ؟
عانى بصعوبة وهو بيمسك ايدها وكل ما بيمسكها بتفلت منه لحد ما قدر يمسك ايدها جامد بس بمجرد ما حاول يشد نفسه جامد هي ايدها فلتت وطارت وأخدته و وقعوا تاني في الميا وسط صراخها .
قريب هنرجع نتجمع وحشتوني كلكم
لسه مش عارفة امتي الميعاد تحديدا
#شيمووو
