ناضت عندها ختو و مها و مو كيهزو فيها و مخلوعين ..
الام: بنتييي( كضرب لها على وجها) حبيبتيييي.. فيقي ..
مو: عطيني ابنتي الماء
ناضت كبات كاس دالماء و مداتو ليها بداو كيرشوه عليها و يضربو على وجها . . الاب و بكر خرجو على برا بعدما العدول سلمو عقد الزواج تاعهم و خلصوه .
العدول : الله يخلف و الله يتبتكم انشاء الله
ناض خرج حادر راسو و هاد بلغتو.. اكفس ناس هوما هادو لي كيسكتو على الحق على قبل الفلوس ، اعفن و اخنز ناس هوما هادو كيخليو ناس يضلمو طول عمرهم و يقد يجيهم النعاس .
الاب: سمح لينا اولدي على سوء تفاهم الطفلة عاد صغيرة تكبرها على يدك ودير عقلها .
بكر : انشاء الله ... مابقيتش كنفكر ندير العرس من مورا هاذ الشوهة
الاب: لواه لواه.. ههه نديروووه انشاء الله و نفرحو بيكم
بكر : دهازها غيوصلها لدار باها و عندها سيمانة تجمع حوايجها و نجي موراها .
مابقا عندو مايقول .. غير كيشوف بكر كيبدا كولو كيترعد واخا فعلا كيبغي بنتو و لكن كيبغي الفلوس كثر منها و كيشوف بكر غيعيشها فالنعيم بفلوسو و هي باقا صغيرة و ماعارفاش مصلحتها فين كاينة اللهما يقصي عليها شوية و يقلب ليها على مصلحتها . ماعارفش بلي هادشي كيسبب ليها عقد نفسية و كيلوح بنتو للهاوية بيديه. قال بكر العرس مابقاش هي العرس مابقاش ... بقا فيه الحال بزاف ولكن الفلوس لي شد على صداقها كثيرة اذا بغا مرتو غايديها .
هز بنتو و ختو و مو دارهم فطوموبيل و شد الطريق للدار
البنت: بابا فيناهي ؟
بكر( شاد على وجهو): رجعي لبلاصتك و بلعي فمك اسية
رجعات البنت تكمشات فعمتها و بقات كتبكي فصمت
الاخت: بكر حشومة علك اخويا علاه تقمع الدرية
بكر: مارانيش فمودي .. ماحاب نسمع تا صوت..
حطهم حدا الدار نزلو و هوا كسيرا زاد .. الى المجهول
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
