❌❌بارت فيه السفااالة ❌❌
بان ليها واحد الماريو ديما مسدود.. مشات كتقلب فواحد المجر حتى لقات ساروتو و حلاتو .. لقات فيه كاع حوايج المرحومة .. من صيكان و صبابط و روايح و ماكياج.. كاع لي غتحتاجو لقاتو تما .. مشات لجهة الملابس الداخلية و لي شوميز دونوي.. بانت ليها وحدة جاية فالنواغ .. قيساتها عليها جايها واعرة مع طايتها .. هي اصلا ماطويلاش بزاف و سدرها ماعامرش ولكن مقارنة بالعمر ديالها راه خير الله اما اللور جاي طرونكيل مع الفخاض.. قادات ماكياج خفيف غير بدكشي لي كتعرف انا لي مكتعرفش مابغاتش تقيسو.. طلقات شعرها و سرحاتو و البانضة لي على راسها رماتها حيت طلعات ليها فالراس .. دارت ريحتها و وقفات كتشوف راسها فالمراية و كتهضر
ابرار: باقة صغيرة و زوييينة..
و الى مابغاش يفرقها دونك خاصهم يوليو ازواج تاع بصح .. بغات تحس بأنوثتها شي شوية كتحس براسها غا خدامة .. نزلت للكوزينة بانو ليها شي قراعي تاعو ماعرفتهمش تاعاش ولكن حطاتهم ليه فبلاطو و دارت كاطوات مشكلين .. طلعات للبلاطو و بقات كالسة كتسنا فيه
جاي عينيه حومر بالجوانات .. عافط عفطة وحدة تا وصل للدار كان علي نعس.. هزو حطو فبيتو و طلع عندها ناوي يبت ليها راسها فالطواليط .. مع التبويقة و الضرء تاع البيت طافي كيبان شوية غير من الضوء تاع الزنقة .. طلعات معاه الريحة .. الريحة لي فتقدها شهووور هادي.. من حدو كيقرب و الريحة كتزيد تعشش فدماغو.. وصل للبيت لوسط وكيحاول يقلب على الريحة منين جاية .. جاتو من اللور و حطات يدها على كتافو كانو باردين .. زيرات عليهم شوية و بقات كتشم فيه من ضهرو .. جبها بالخف قدامو و بقا كيتحس جسدها و يقيس فوجها .. حط السوارت فشي قنت على الله و لاحها فوق النموسية .. غمض عينيه و بقا مورك عليهم كيحاول يستوعب .. مشا شعل الضوء و رجع عندها لقاها كتبتاسم ليه و كتلعب بخصلات من شعرها .. سدرها مدفك قدامو و الشوميز طالعة على فخدها كولو ..
قرب منها و بدا كيحيد فالقميجة .. ناضت عندو و قربات
ابرار: خليني نعاونك ..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
