هز رجلو تالفوق وزداها معاها بركة لكرشها وطاح عليها بتصرفيق دقة هنا ودقة لهيه اما هي مابقاتش قادرة تحرك ولا تكلم وجها ولا كولو دم عظاامها مابقاتش حاسة بيهم اما بكر تعماو ليه لعينين وكفاش مايتعماوش وهي بفمها قالت ليه بلي سحرت ليه وملفوق صيفطت سحور مع مو للقبر كولشي يغفرو ليها تااالسحوور لاااا كيظرب ظربة هنا وظربة لهيه معازل تابلاصة....
كانت طايحة فالارض كتستنشق انفاسها ووجها كولو دم وحالتها حالة وهو غادي جاي شاد فراسو ممتيقش انها فعلا سحرات ليه...
******
عند عدنان كانو فوق ناموسية عريانين كلهم وباين عليهم لعيا اما عدنان داه نعاس ...طولات فيه مريم شوفة وناضت لبسات حوايجها بزربة..ضورات عينيها تابالها واحد دفتر صغير وستيلو قطعاات منو ورقة كتبات فيها شي حاجا....وحطاتها حدا راسو وخرجاات...
بعد مدة محددة عدناان جابتو لفيقة دور راسو مالقاهاش كاتبالو غت لورقة حداه هزها كيحك فعينيه كيقراها غير قراها وسع عينيه بصدمة ودم تسقط من وجهوو كيقراها ويعاود مقادرش يستوعب ليمكتووب فيها..ناض واقف ساعر شاد فراسو وغادي جاي فلبيت ممتيقش شنو قرا
كان مكتوب فلورقة" فاش غاتكون كتقرا هاد رسالة غانكون مشيبت ..سمح ليا اعدناان كنت مجبرة و صاحبك هو لي صيفطني ، انا راني مريضة بسيدا"
وحنا كولما كنعرفو مرض سيدا الله يحفظنا منو معدي ومدام عاشرها الا وغاتكون لصقات فيه
******
خرجات من دار كتجري واخا مقادراش باعجوبة وبصعوبة تاقدرت تهرب منو خرجات كتجري وتعطر وتلفت وراها وليدازت من حداه يوقف يشوف فيها وفحالتها كفاش دايرة ووجها كولو اثار ديال ظرب باينة معددي عليها شي واحد شدات طاكسي وهي مابقا عندها جهد شويا وطيح وصلت لوطيل ونزل بزز تاطلعت وحالتها حالة مشات نيشان لبيت عدنان بدات كدق بجهد فلباب وهي كتبكي
ابرار:(بصوت مخنوق ومتعب )عدناااان حل لباااب (كدق بججهد فلبااب) عدناان
بقات شحال وهي كدق بدون جدوى عرفتو غايكون مكاينش فشومبر جبدت تيلي ودوزت ليه ابيل كتشدها غير لعلبة صوتية عيات تصوني وواالو لارد...
طاحت لاارض كتبكي وتندب حظها بقات كتشوف فلفراغ كتشوف كفاش حياتها تقلبات بين ليلة ونهار كفاش خسرات كولشي كانتطفلة صغيرة وبريئة تاولات لفعة وسحارة وماتسوا ماتصلاااح فلمح البصر خسرات الاسهم خسرات بكر خسرات عدنان ليكانت كتشوفو غايكون هو فارس احلامها....سحراات وشركت بلله وخسرت دنيتها ودينها وهادشي كولو كان بسبب الحگرة والاهانة والدل....
#يتبع
أنت تقرأ
مكتوب الخير
Romantizm~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
