مكتوب الخير

الجزء 113

دازت سيمانة  على الحادث،سيمانة  على م وت علي، سيمانة و ابرار غير ساكتة مكتهضر  مكتكلم،  سيمانة  و بكر طالع نازل ..  ربي  نزل عليه  الصبر و القوة  و قدر  يستحمل  ثاني فراق ليه و مع اعز الناس ليه..

عينين دابلين مكيشوفو النعاس لا نهار لا ليل ..  لابس قبية فالكحل و سروال فالكحل.. من النهار م وت علي و هو حازن ولابس  الكحل ..  بالنسبة  ليه الى لبس الالوان راه بدا  حياة  جديدة،  واخا  تقبل فراقو لكن  جاتو صعيبة الصحكة  بلا ولدو..  كان فينما يدخل للدار ويهزو  يبدا يضحك  و يغرغر..صايك  و راد البال مع الحوندارم..  دور التيليفون  لعدنان حاوبو عالقرص

عدنان:  وي خويا

بكر : شدرتي ليا فلي  قلت لك؟

عدنان: لالا  كون  هاني ..  راه  كلشي  واجد  و خدينا الرخصة  و راهم  تحركو 

بكر :   يتوب علك.. 

كان احسن خبر سمعو من  النهار  فراقو بعلي ..  بغا يدير شي صدقة  جارية  لي  واخا  يمشي  حتى هو  يبقاو الناس  يستنفعو  بها..   امر ببناء مسجد،مسجد علي،  بغا  لي يدهل ليه  يطلب  الرحمة  و المغفرة  لناس الدوار و كلشي  عرف  ان اصغر  شهيد فالحادث هو علي،

شاد الطريق للدوار و الدنيا  مطرطقة..  كل واحد  منين  جايب التبرعات و كل واحد  و باش  مساهم ، هالي  جايب الحوايج  دالبرد  هاالي جايب الغطا هالي جايب الكياطن  فين يسكنو البشار ،  و الماكلة  حدت ولا حرج .. 

....... بلسان الكاتبة ..  دنيا المسعودي....

بغيت نكتب و نقوليكم هاذ الهضرة  هناا فهاذ البوسط..  قصتي  ماعرفتش  ايمتى غتقراوها و  شكون  غيقراها واش  من المغرب  او خارج  المغرب  ..  بغيت  نقوليكم  سبحان الله .. اخر جزء  كتبتو  نهار قبل الزلزال   لي ضرب منطقة  الحوز و النواحي  سنة2023 ..  كانو الابطال  وصلو للدوار و كلسو فيه .. العلاقة بين  ابرار و واليديها ناكانتش  حتى لهيه ..و كذلك حالنا كاملين  ليلة  الزلزال  كللل واحد  وشنو  كان كيديير.. يمكن حلال  يمكن حرام ... ماكتبتش  هاذ الاجزاء عبتا باش  تفكركم  فالذي مضى ..  لاا كللنا  تجرحنا و  كلنا بكينا  مع الناس لي   فقدو اهاليهم .. لكن كتبت هاذ الاجزاء  باش  نقول  للناس لي غيقراو قصة #مكتوب_الخير  من هنا عام او عمين  او ماعرفتش..  ان الدنيا مازااال  زوينة..  مازاااال  بنادم  فيه الخييير .. ملي وقع الزلزال المغرب  ككككاااامل تححررركك  كل واحد و باش  قسم  الله  و باش  قدد  .. بكر  فااقصة مثال  للناس ،للمؤثرين ،الصحفيين، الناس لي عندهم الفلوس، للعديد من الناس لي ساهمو فالتبرعات و عاونو الناس، بغيت نصول ليكم  رسالة تاع ان بلادنا مازااال  زوينك  و الناس لي فيها باااقي  فيهم الخير .. لدرجة  ان الناس لي ضررو ..  كيرحبو بالمحسنين و المؤثرين و الناس لي قدمو التبرعات.. " مرحبا بك شرب معانا اتاي"  " تقاسم معانا الطعام" " هادشي لي عطا الله سمحو لينا عدبناكم" " الحمد الله " "الله هما لك  الحمد "  ..  الناااس  بايتين  فالزنااقي النااااس  مالاقين  ماياكلو و حشمانين  حيت  مالقاو  باش  يضايفو الناس..  انا عارفة  واحد   الفئة تاع البنات من الدواوير  كتقرا قصتي  و غدوز على هاذ البارت  ..  كنبغي  نقولكن  تبارك  الله عليكم  ..  و فعلا كنغيرو منكم  بهاذ الصبر لي عندكم  و قوت الايمان و حناا بلا انتوما وااالو..  و مااشي  انتوما  لي  محتاجينا  حناتت لي محتاجين ناس  صبارين طيبين محافظين على الحيا و الحشمة  لي  مابقاتش  عندنا  .

#يتبع