باتت الليل كامل هاكاك و هو ماحاسش بيها بحال شي نملة كتركل حداه .. ضرباتو الفيقة لقاها نعساااات و الدموع معمرين وجها ..بقا كيشوف فحالتها شحاااال
بكر ( بالشوية) استغفر الله العضيم على حالة
حيد ليها التقاشر من فمها و ناض توضى باش يصلي .. حتى هي درباتها الفيقة مولفة كتنوض تصليه ... لقاتو محيد ليها التقاشر و هي دير ضحكة تاع تعب . .. دراعها و لحمها كاع كيضروها . دوات و لسانها تقييل ماقاداش تكمل هضرتها
ابرار : ب..ببكر ..
هرج عندها من الطىاليط كينشف فوجهو ..
بكر : نعام ؟
ابرار: بغيت نصليي.. طلقني ..
حط الفوطة و مشا حل ليها يدها و رجليها .. دخلات توضات و وبقاو كيتسناو فالادان حتى سالا وبداو بجوج كيطلبو الله فخاطرهم
ابرار: ياااربي شوف من حالي.. ياااربي بعدو عليا كابقيتش قادة عليه راه قهرني.. ياربي راه طاغي بزاف بعد بلايل على بلاه
......
بكر: ياربي ترحمها و تسمح ليها و تغفر ليها .. ياربي اسكنها فسيح جناتك.. ياربي جعلها من اهل الجنة .. ياربي تهديني على هاذ الدرية .. ياربي ترد ليا عقلي وتهديني
ناضو سرحو الزرابي هي اللور و هو قدامها .. صلاو و فاش سالاو بداو كيسبحو و يستغفرو حتى بدا كيشفق الضوء ..
ابرار( مكتشىفس فيه ): انا غنوض نوجد لك الفطور
جرها من يدها وكلسها حداه ...
بكر : سمعي ... بصح بززت عليك الزواج و مكنبغيكش و مغندخلش عليك .. وجبتك باش تربي ليا ولادي.. انا راجل كان و باقي كيبغي مرتو ... مغنطلقكش حيت علي ولدي ولفك .. و بغاك.. عيشي حياتك بغيتي تقراي نبدا لك ليكور من الدار بغيتي ديري شي حرفة تعلميها .. ولكن تا يكبر علي شوية و يدخل يقرا . اما دابا اتبقاي تربي فالدراري تا يكبرو
#يتبع
أنت تقرأ
مكتوب الخير
Romansa~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
