ناضت شمرت على دراعها قادات الطجين و سدت عليه يطيب .. شدات علي ضرباتها ليه باحسن بوسة.. نهار على نهار كيكبر و كيزيدو حروفو يرومو ل بكر .. دوشات ليه و بدلت ليه .. حطاتو فبيتو فيها الكاميرة كيلعب و بكر مقابلو من التيليفون شنو كيدير .. حطات الطاجين و الشلاضة .. دارت عصير دالباربة و عجنت الخبز
ابرار: بككر .. اجي تااكل
بكر ( بصوت باح بالكارو ) واخا
لبس صنضالتو و مشا هز علي بركو فوق حجرو و كيعطيه ماكلتو ياكلها و ياكل هو و ابرار
ابرار : ماقلتيش ليا .. شنو درتي معايا فالقراية
بكر : دويت مع السيد .. من الاحسن ديري فوغماسيون و تخدمي اما القراية راسك غيطيب و انت عندك بزاف بالمسؤوليات
ابرار ( تنهدات ): واخا.. شنو هي هاذ فوغماسيون
بكر : غتكوني فالمعلمويات تعلمي دخلي و تخرجي ... باش نقدر نعطيك شي حاجة تقاديها
ابرار : و الشركة
بكر ( طلع عينو فيها ): نديك باش تشوهيني ؟
ابرار: و الله مانبقا نديها فشي وحدة ( شافت فراسها ) و شوف حالتي اصلا كي دايرة غادا كي الهبيلة خاصني حوايج باش مايبقاوش يحكروني
بكر ( خنزر فيها ): شنو عوالا تلبسي ؟
ابرار : ماعرفتش مهم هاذ الحويج بانو ليا مالايقينش ..
بكر : اسيري تحشمي على راسك مالك كتباني محترمة و داخلة صوق راسك
ابرار 😞 بلعات ريقها بدون محاولات ) لي بغيتي
كالسة فبيتها كطل على الغابة لي قدامهم كاملا .. و كتهضر فالتيليفون
اليس: غير تهناي.. لي دارو فيا غنرضو ليه.. اممم شفت ديك الويلة تاع مرتو .. منيتوو على الاقل مرتو لي مااتت كانت كتبان شخصية همة .. الى غرت منها جات معاها.. تتت منيتك هادي انا نغير منها هههههه اويييلي ... ولكن غير بلاتي عليه قالك ديرها فالرجال و مساها و ديرها فالنسا و ترجاها ..
قطعات مع صحبتها لا بيل و ناضت كتقلب فماريوها باش غتمشي غدا للشركة بانت ليها كسوة جايا على شكل مونطو قصير جبداتها حطاتها على جانب و دخلت تاخد الدوش تاعها .. عوالا نبدا ب طاقة جدييدة حضور قويييي .. افكاار جدييدة .. العطلة لي خدات كان مهمة بالنسبة ليها باش تعاود ترتب افكارها و تعرف بالضبط شنو باغا ..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
