دخلات للدار كان ديك الساع قرب صلاة الضهر .. مشات بالتخبية و بلاما يشوفها حتى واحد للبيت لي غسلو فيه الحاجة و سدات عليها ... كتقلب فالصاك و حاضية لا يقشعها شي واحد .. جبدات كموسة تاع زيف حياتي حلاتها .. حلات للحاجة فمها بزز و كتووورك ملي مابغاش يتحل ليها مزيان جبدات برا من الصاك و خلطات دكشي بالماء لي غسلوها بيه .. خشاتو فالبرا و بدات كتكبو ليها ففمها بالشوية بالشوية حتى كملاتو .. جمعات دكشي و طرفات الدنيا بحالا ماكين والو .. رجعات حلات الباب كطل مالقات حد و هي دير راسها بحالا عاد داخلا
ابرار : الللههه غسلوووها و غيكفنوووهاااا .. ( حطات الصاك فالارض و بدات كتحيد فالزيف من على راسها .. )
غير سمعو الناس البكا و التنواح ناضو كيتجاراو حيت كلشي ملهي .. امنية غير شافت ابرار كتبكي ناضت كتبكي معاها و تعنق فيها
امنية : مشااااا و خلاااتنا هءهءهءهءه ميمتيي حبييبتي هءهءهءه ..
جات الغسالة خرجاتهم حيت ماعند الحق تاواحد يقرب ليها من مورى ماتغسل
الغسالة: الله يجازيكم بالخير .. خرجو على برا و خليو المرحومة حتى نكفنوها ..
مسحات دموعها دغيا و هزت صاكها من الارض ..
ابرار : اه .. يا الله اختي يا الله ( كتطبطب ليها على كتافها )
دخلاتها لبيتها دالنعاس و كلساتها ...
امنية: سمحي ليا اختي كاعما رحبت بك .. راك شفتي حالتنا
ابرار : اويلي ماتقوليش هاكا.. الله يحسن العوان موت وتمكتعلمش
امنية : الله يرحمها و يوسع عليها .. هانتي اختي ها البيت ديالي خودي راحتك فيه..
ابرار : ربي يخليك الحبيبة انا نبدل و نوض نعاون العيالات ..
اه عتابراتها ختها و حبيبتها و مرت خوها و ماتلقاش ما حسن منها لي تنعس ليها ففراشها .. لكن غافلة بلي راها منعسة معاها حية وسط الفراش ..
تسناتها حتى خرجات مشات عند العزايا و نقات الصاك من دكشي و لي خاصو يتغسل دارتو فميكة و خرجات غادة بيه للكوزينة و هي تلاقا ب مليكة ( اخت المرحومة) طلعاتها و هبطاتها و وقفات ويط طريقها
مليكة: انت هي لي فرقتي السيد على بنتو؟
ابرا ( طلعات فيها حاجبها بعدم الفهم) سمحي ليا ماعرفتكش شكون
مليكة: خت سماح.. لالاك سماح الله يرحمها .. سحابلك بصغرك و بطراوتك غتبعدي السيد تلى بنتوو؟؟ واخا طيري و تنزلي .. بكر ماعندوش شي حاجة عزيزة كثر من ولادو .
ابرار : اااه .. مشرفييين.. قولي ليا انت خالة ندى ..
مليكة: مممم..
ابرار : مغنجوبكش ( قريات حدا وجها ودوات ) ربي ولاد الناس يكبرو و ينساوك .. كيسحابلك غتعقل علك؟ قلتيها بفمك بنت بكر ماشي مليكة...
يا الله غتجرها من شعرها و هي تقشع بكر جاي
مليكة: عندك الزهر كاينين فجنازة انا النوريك الهضرة كيف دايرة
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
