قربات منها عضاتها فحنكهاا وقمشاتها فعنقها وكولشي تجمع عليهوم .. بدات كتغوت باش طلق منها .. مدات حتا هي يدها باغا تقمشها و دير حقها حتا كتحس بيدها مشدودة .. شدات ليها يدها و لواتها ليها اللور .. طلقات منها ابرار كتنهج و زيفها بدا كيهبط .. كانت اليس حاكماها و موركة
اليس: تحطي يدك نقسمها لك .. غبري علبا كمارتك
البنت : مادموزيل اليس و لك..
اليس ( بتهديد): كلمة وحدة مانسمعهاش.. البوسط ديالك و لا راك مطرودة
مشات و خلات كلشي كيتفرج فيها بقات فيهم حيت خدامة معاهم لكن ماعارفينهاش شنو كانت كتقول باش دارت ليها ابرار هاكاك
اليس( كتشوف فيهم و تصفق ): يا الله ا سيادنا ماعندكم مايدااار .. كل واحد و البوسط تاعو ... مانعاودش نشوف بحال هاذ التجمعات يا الللههه
كلشي تفرتك و بقات اليس واقفة قبالت ابرار وحدة كتشوف ف لوخرى .. مدات ليها اليس يدها باش تقدم ليها نفسها مع ضحيكة خفيفة
اليس: سميتي اليس .. الشريكة تاع الزوج ديالك .. موسيو بكر
عقدات حجبانها ماعرفاتش منين عرفتها مرتو و كيفاش شريكتو و هو تيقول ليها الشركة تاعو .. عطاتها يدها بدورها مستغربة
ابرار : مشرفين .. سميتي ابرار ..
اليس: الشرف ليا .. موسيو بكر فالبيغو تاعو ؟
ابرار : ( بعدم الفهم) اه علاش؟؟
اليس:( جراتها بيدها ): يا الله نمشيو عندو
وقفات مصمرة فبلاصتها كتحاول تفهم هاذ الجرءة لي عند اليس و شنو علاقتها ب بكر
ابرار : اا.. ولكن عندو شي صاحبو فالبيرو ؟
اليس: هههه غيير يا الله صاحبو هو موسيو عدنان ديما كيجي لعندو
ابرار : اااه واخا
تبعاتها و كلشي هاز عينيه فيهم .. لي قديم فالشركة عارف بلي من ايام المرحومة اليس الحلم ديالها هو بكر و دابا عرفو بلي هادي مرتو لي كيسمعو بيها ..
البنت ( كدوي و كتشوف فالبيسي تاعها ) : هه غديرها قنطرة باش دي ليها الراجل
الولد ( بنفس البوزيسيون): الله يهديك كون بغاها كون داها قبل مايتزوج .. راه هي كاعما مقبولة
البنت ( شافت فيه ): و انا مقبولة
الولد ( باقي كيشوف فالبيسي) .. تقريبا بحالها في انت ناقصة عليها شوية
جمعات القمعة و ناضت من حداه خلاتو كيضحك و يدور فراسو .. ولاو الولاد كيحسو بلي بنات هاذ الوقت غير كيتلسقو على الدراري و باغين الزين و الكريزمة و الفلوس اما الاخلاق و الوعي ماعندهم مايديرو بيه و هادو من بين الاسباب لي ولاو يخليو اكثرية تاع الدراري يتفلاو على اي بنت جات قدامهم الله يجعلها تكون بلارة و فعلا كتبغيه
دخلو عندو للبيرو من مورا ماخداو الاذن .. غير شافهم داخلين بجوج و هوما يوقفو
اليس : بونجوووغ موسيو الفيلالييي ( بضحكة مسطنعة) عاش من شاافك ( مدات ليه يدها )
رد ليها السلام كيحاول يفهم شي حاجة ماهياش .. شاف فابرار رلي بقات واقفة مصمرة كتسنا لي يشرح ليها
بكر : ( تعمد يقلي لاليس السم ) شيغي تفضلي ..
ابرار 😞 بتلعتم) ا.. شكرا
#يتبع
أنت تقرأ
مكتوب الخير
Romansa~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
