دخلو للدار من بعد نهار طوييل و عامر هم اخيرا كاو لدارهم و سدو بابهم .. الصقيييل فالدار و كتحس بالحو بحالا باغا تصب الشتا .. الغمة طاحت فديك الدار
ابرار : شي كويس د اتاي ؟
بكر : واه..
حيد صباطو و كلس فوق السداري كيرتاح و يلتقط انفاسو .. دار تنهيدة كبيرة
بكر : الله يفاجي من عندو
هز طيليوفنو صونا ل عدنان .. بقا كيتسناه تا جوبو
بكر : السلام
عدنان: عليكم السلام العشير كي بقيتي
بكر : الحمد الله على كل حال ..
جايت ليه ابرار السينية عامرة يا الله جات طلع و هو يغمز ليها تكلس .. كلست قبالتو و كبات ليه وليها
بكر : المهم فالعشية نشوفك .. مع ديك التمنية .. فالبلاصة المعلومة .. يا للله تهلا
قطع عليه و رما الطيلي فوق الطبلة .. هز كاس د اتاي و شاف فيها ..
ابرار : مالك؟
بكر : غدا غنمشي للشركة .. وجدي راصك باش تمشي معايا ..
ابرار: علاش؟
بكر : ياك قلتي باغغ تبداي الخدمة ؟
ابرار: اه بصصح.. شنو لبس غدا
بكر : لبسي لي بغيتي خاطيني بيك
ابرار : ايه تا هاذي هضرة .. نوض نوجد راصي .. انت سمعتك داوي فالطيلي خارج؟
بكر : وااه .. روح شوية و نخرج
ابرار : مابايتش هنا ولا ؟
بكر : على حساب .. مهم لا ماجيتش راه الصباح نصوني لك توجدي راصك
ابرار : واخا ..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
