فالناظور....
بخطوات هادءة دخل عندها.. كي سمعت الباب تحل تقادات بلاصتها و بقات حادرة راسها .. سيمانة و هي سادة عليها كيجيبو ليها الماكلة تال عندها.. كلما كتقول نسا علي كيجي فبالها خوها.. علاقتها مبهمة مع واليديها .. جابهم بكر للمدينة و جاب حتى بنتو و مو للدار تاعو .. بغا يخلي العائلة مجموعة فهاذ الفاجعة بالضبط.. لكن هي قاطعة الهضرة بالعالم ،حتى من زهرة كتجي دق عليها و ترجع ملي مكتجوبهاش .. كلس حداها و شد راسو بين يديه.. العيا تاع الدنيا و الدين مجموعين فيه .. نطق بصوت باح غالب عليه الكارو .. و العروقة فراسو منفوخين
بكر : علاه راك ديري فروحك هاكا.. ما و مك راهم برا و مشوشين علك .. ماشي غي انت لي ما تو لك ناسك ... الدوار كامل.. كل دار فقدو فيها واحد.. هادشي لي قسم علينا الله..
هزات عينها فيه بحرقة.. و كتسائل واش هذا هو لي عاد فقد ولدو؟ هذا الاب؟؟ واش كاع الاباء عندهم عادي الى فقدو ولداهم ؟
ابرار : انا بعدا ماولدت ماتعدبت انا غا ربيت .. وانت ؟؟ لي ولدك من صلبك؟ عادي عندك؟؟ كتحرك و تخرج و دخل و باقي كتمشي لتما على اساس مافقدتي والو ؟
بكر ( شاف فيها و عينيه حمريين كي الجمر ) : شششراااااك تخوووري ... لي م اااا راااه ووولدددديييي.... نبقا كااالس حداااك ننببكي ونخننن.. حيت انت لي غتجيبي لهاذ الاسرة طرف دالخببززر؟؟؟ ربيي بغاااه و داااه ... نضااارب مععع ليي خلقووو... قووييي ايماااانك و نعلييي شيطانك... شو حالتك كي ولات ... الى راك تبغيه عيشي ... ععععيييشيييي...ععععيييييشييي... ماااتبببكييييش و ماتخليش الحزن يولييي كفرررر... ( نغزها باش تشوف فيه ) راك تفففهمييي؟؟؟
الهضرة ولات كتجيها تقيييلة .. ولات كتحس بالهضرة ماتقدرش توصف لي بداخلها .. احساس مخربق انك تفقد ناسك الزاز بمتابت ولادك حيت حتى خوها هي لي رباتو .. كتافات بالصمت لان لي قالتو مغيكفيهاش..
ناضت للحمام يا الله بغات تسد عليها و هو يدفع الباب .. دخل و سدو وراه ..
ابرار : شراك دير .. خرج
بكر : واه غنخرج بصح تا ندوش لك
ابرار : ماشي وقت هاذ التفلية تاعك ا بكر ربي لي عالم بيا خرج و خليني علك فالتيقار ..
ماعاودس معاها الهضرة .. خلاها ببيجامتها و دخلها تحت الماء .. غير هبط عليها حساتو بحالا طفا العافية لي لداخل تاعها لكن شي حاجة فجوفها باااقا عاطية ومابغاتش طفا..
بكر ( كيهبط ليها على وجها و راسها ) دابا غتحسي بروحك ملييح .. هاكا خيير ..
خلاها تما و مشا جاب فوطة لواها فيها وخرجها كترجف و تبكي ..
بكر : غنخليك تلبسي.. ملي تسالي نزلي راهم باغين يحطو الغدا
حركات ليه راسها بالوافقةز.. بقات شحااال و هي كالسة كتسترجع انفاسها و تفهم راسها لكن بدون جدوى .. حيدات حويجها و مسحت عليها بالفوطة و لبست حويجها
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
