مكتوب الخير

الجزء الاخير

حدرات راسها بحزن  ماتقدرش  تمنعو من  بنتو  لكن  فراقها  قاصح  ..  كغادير دابا  تخوا عليها الدار و كي غدير ماتبقاش  تسمع  صوتها 

بكر :  راني تحولت  لهنا ..  تقدري  تشوفيها الوقت لي بغيتي و حتى مدرستها ماغنحولهاش منها ..

بردات بعدا شوية ملي سمعات فتكون معاها فنفس المدينة .. طلق ندى تمشي  تجمع لعبها و كلس هو مع مليكة كيشربو اتاي

مليكة: كفاش طلقتي ؟؟

بكر :  صافي سالا الوقت بيناتنا مانقدروش نكملو هي عاد جاتها المراهقة و انا  راني كنطل على الربعين اللهما نطلقها و تقلب على ولد الناس لي يوالمها

مليكة: و ماكنتيش كتبغيها ؟

بكر (  غمض عينيه و حلهم فيها)  نبغي بنتي و المرحومة 

ناضت  جمعت لندى  حويجها  و لبستها  و عطاتها ليه

مليكة : ماسخيتش بيك العفيريتة..  تبقاي تجي  تشوفي طاتي صف

ندى : اوكييي..

كتجوب بالفرحة و كتنقز  بالفرحة ..  كل همها  هو تخشا عند باباها  و تكلس  فوق  رجليه و تبقا تلعب  معاه  و تعاود ليه  و هو واخدها  على قد عقلها ..  دار ليها  السمطة  اللور  و  طلع ديمارا  غادي   للدار.. الطريق  كاملا و عي  تسول فيه

ندى : بابااا

بكر : هممم... 

ندى : بغيت  نشوف ماما .. ديني  عندها 

بكر :  واخا  بنتي  ..  غدا الجمعة و نمشيو نزوروها  .. انت كي غادة  مع قرايتك 

ندى :   مزيااان .. واخا  استاذة ضرباتني حيت  ماحفضتش

عقد حجبانو  كي سمعها قالت ضرباتني ..

بكر : قلتيها  ل  خالتك ؟

ندى : اااه.. و مشات عندهااا.. و بقات كتغوت عليهااا.. و من تماا مابقاتش  كضربني 

بكر : ولكن  راه  خصك  تحفضيي.. شنو ماحفتيش ليها

ندى : سورة  الكوثر

بكر : عهههههه الله يهديك  ا بنتي  واش سورة الكوثر  تا عي  كيوحلو معاها الناس

رجعات اللور و ربعات يدها  نافخة لي ضحك عليها ..

التتمة

كالسة فوق كرسي  و الضلام يعم المكان .. عينيها  فالكاميرا و  تحت عينيها  كحل

ابرار :  انا  بنت دوار تافرنوت.. واحد من  الدواوير الريفية المغربية  لي باقين عايشين فالجهل القديم .. باقي  عندهم  النهار الكبير هو لي يتزاد  فيه الولد و النهار الشين هو لي تزاد  فبه البنت ..  كيقولو بلي المرا  بلاصتها حدا راجلها مايهمش  العمر  و العقلية و اصلا شنو هي العقلية  مصطلح مكيدورش  فالريف..  عندهم الراجل  هو لي يحكم و المرا تنفد و لا كلام فوق كلام الراجل و الى بغات تفرد كلمتها يا خصها تكون سحارة  كبيرة و لا تكون زويينة باش تخليه ديما كيشوفها غير هي..  ماعندناش  البنت تخدم عندنا الراجل هو لي يحفر بيديه و برجليه و يجيبها من فم السبع .. انا باعتي با .. هه زعما خدا فيا صداق كبييير لي عمرني  شفتو و ماعرفتش با اش دار بيه ..  و حتى من العرس ماداروش  ليا ..  مشيت دليلة  عند راجلي  لي كبر مني  ب13 لسنة فعلا واليدينا تزوجو بفارق السن كثر من هاكا لكن فهاذ العصر واش تقدر بنت قدي تزوج  بواحد عندو 30 سنة؟؟  انا قاصر ..  تغصبت فشبابي..  كليت العصى على شي حوايج  ماداراهمش .. كليت ااعصى باش  راجلي ياخد حقو الشرعي بزز مني .. و النهار  بغيت ناخد  حقي  خرجت  على راسي بيدي ..ماعرفتش الصراحة  واش انا لي  خرجت  على راسي و لا با لي  خرج عليا و لا هذا مكتوبي ؟  كنت انسانة  متاقية  الله و كنخاف لي  خلقني  و عارفة  حدوديي  مع الخالق..  حتى  وليت سحارة.. و كنزني .. طلبتو و عيت معاه باش يطلقني  هو لي مابغاش  هههه..   انا قلت ليه  عمرني  نسا فك  الحرقة  لي  حرقتيني (  دمعات عينيها)  كيفما  كواني  كويتو  فالعزيز عليه ..  الصراحة  مابقاش  عندي  مشكل معاه  كيفما  ولا عندي مشكل مع راسي بغيت رجع كيف كنت  بغيت  نصلح راسي ..  سؤل واش  عمرني  بغيتو.. الصراحة  لا ...  احيانا  كان  كيمثل ليا الدفء لي خاصني  كان حاميني  من شحال من حاجة  لكن  طليقي  مريض  ..  ولا يمكن  عاشق.. يمكن  حيت عمرني حبيت او  عشقت دكشي علاش  معمرني  نفهم حبو لمرتو الاولى.. هههههه( سدات عينها و  حلاتهم )  قريبة  ندير 19سنة ههههه و عقلي  قرب يدير 40 سنة ... من واحد  الناحية حامدة  الله على هدشي  لي  وقع  ليا نقدر نكون  مثال لشحال من بنت   كيسحاب ليها ان الراجل هو كلشي   فحياة المراة  بغيت نقولك  بعد المرات الراجل  يقدر يكون  سبب فخراب الانثى ..  بغيت نقولكم ان حياتك لي فالمدينة و ماحامداش عليها الله وخدة  اخرى  فالقرى  كتمنا تعيشها ولو غير نهار .. الى كان باك  مزوج على مك و لايح  ليكم  الفلوس  و ناقسك  الحنان  تاع الاب  ..  فانا عندي اب و ماعندي لا حنان  لا فلوس .. حتى واحد  مالاقيها كيف بغاها ..  و من ناحية  اخرى كنتاسف على حالتي و كينشفق على الوضعية  ديالي  لا دين لا دنيا ... لي حسبتو  حبيب  طلع  عدو  .. الصحاب مكينينش  و الواحد  الى  تاق   يتيق  فجيبو  . الحمد الله ربي  عطاني فرصة  ثانية  باش  نعاود حياتي  من جديد  و بفضل  الدكتورة  صفاء  قدرت  نوصل  لهاذ الجمعية  و  صوتي  وصلكم  .. رسالتي  واضحة لكل  بنت ..  مايهمك  لا زين  لا لبس  لا والو .. يهمك راسك  بالدرجة  الاولى  و  تهمك عقليتك  واش  كطور ولا مكطورش.. مغينفعك  لا زين  ولا  حب ..  يقدر الحب هو لي  يخرج علك .. تمتعي بالحياة لكن ماتربطيس الحياة براجل  ..  ماتكونيش  بنت  الحرام  و الى  طلع  معاك  راجلك  راجل طلعي معاه  مرا  ماشي  درية .
شافت فالكميرامان  و تقطع  الضوء  دالكاميرا و شعل الضوء  دالغرفة  .. ناضت عندها  صفاء  عنقاتها  و طبطبات عليها

صفاء: الحمد  الله  .. انا فرحانة  ليك  بزااف  ا ابرار و  كنواعدك  ختك غتشوفيها  فين  بغيتي ..  و  الجمعية  غادي تمنحك فرصة عمل ..  انا  خلصت  المحال  كانو  غير  شي فلوس قلال  و الجمعية  غتكلف بالسلعة  و انشاء الله  من  محل دالحوايج  للمشاريع كبيرة

التتمة 2:

هبطات راسها و الدموع طاحو من  عينيها  ..  حمدات  الله  الف مرة  على هاذ الفرصة  لي  تمنحات  ليها  فقصتها كانت مكتوب خير لبزاف  دالناس  .. لندى  لي  غتكبر مع  باها  و ل زهرة  لي  غتقرا و تكمل حياتها  ..   لابرار   لي  صفا  قلبها من  جهة  واليديها  و غادي  تعيشهم  بخير   .. 

صفاء:  انا غنمشي  معاك  حتى  نوريك  المحال   فين  جا  و غدا  انشاء الله  غادي  يجيو  الدراري  باش   يحطو  ليك  السلعة  و ديك  الساع  نبغي  نشوف  القوة  ديالك 

بعد مرور   سنة

..  كالسة  فالمحل  و  كتحسب السلعة  لي  علد  دخلتها  و  تقاد  فيها  حتى  كتسمع  صوت  بنت  صغيرة  من موراها 

..: باباا.. شوووف

دورات  وجها و  هي  تفاجء   ب ندى  لي  هازة  لهبة  فيدها و  شادة  فيد  بكر  كتوريه ..   هبط عينو  لمستواها  و  فيكساهم  عليها  ...   حسات  بغصة  كي ولات  شافتو  .. شافت فيدو كتقلب على  شي خاتم  لكن  مالقات والو .. كي شافتو  زاد زيان على لي  كان ناضت  وقفات  و دارت بحالا  عمر كانت  بيناتهم شي  حاجة 

ابرار :  مرحبا  شنو حب الخاطر 

ماقدرش  يتصرف بحالها  ..  علاش  !!ماعرفش!! 

بكر : كنت  دايز من هنا و  بان  ليا هاذ المحال دالحوايج  و بغيت  ناخد  شي  حوايج لبنتي 

ابرار :  مرحبا .. شنو بغيتي بالضبط؟؟

بكر: دكشي لي  كنتي  كتلبسيها راك  عارفاه  .. 

ابرار : سمح ليا سيدي مافهمتكش ؟؟

بكر : (  دوا بشوية على  حساب ندى) سيدي ولا نمي..  ماجايش  نشري ..  جيت نبارك  ليك  مشروعك  الجديد ..  و  الى حتاجيتي  شي مساعدة  راه  عندك  النمرة 

ابرار :  علاش  جاي؟  ياك  كل واحد  فينا وشد  طريقو ؟؟

بكر :  جيت نصفي الخواطر  و نبداو  صفحة  جديدة  .. 

ابرار :  مانقدرش  نعيش  مع  واحد  صيفطني   لصبيطار دالحماق 

بكر:  و انا  نقدر  نعيش  مع  وحدة سحرات   فكرش  مي؟

ابرار :  شنو بغيتي  من  عندي 

بكر :  نبداو  صفحة  جديدة 

ابرار :  من الاول  بحالا  عمر  شي  حاجة  كانت ؟ 

بكر : صعيب الحال  مي  نجربو 

ابرار:  سمح ليا  سيدي   السلعة  لي بغيتي  مازال ماجبناها  ملي  دخلنا  نعيطو  لك 

بكر : هههه  اييه  مليييح  راني  نساين 

النهاية