دوزت ليهم نهارهم بلي قسم الله و فوق من خاطرها تعاشرات مع سناء هلات ليها نمرتها بيدما دير تيليفون و تصوني عليها . عم الهدوء فالدار ، تا حد ماكاين ، حتى من مواتهم كل وحدة ورجعت لدارها و فين كترتاح .. بكر تكلف وشرا لمها و باها و ختها دار فقلب المدينة هاكا تبقا حتى ابرار مهنية من جيهتهم ..
طلعت لبيتها بخطوات هادءة، حلات الشرجم و هو يدخل منو نسيم خفييف من البرد تكات عليه و بقات كتشوف فالشمس كتغرب ، خاصها تبدا .. و الوقت كابقاش عندها. طلع ليها كلشي فراسها ، لكن كفاش؟ و ايمتى ؟؟ كاع هاذ الاسئلة كيحفرو ليها فدماغها .. عرات فخضها بان ليها مصلوخ ، دارت ضحكة جانبية و نطقات باستهزاء
ابرار : كيفما كويتيني فلحمي غنكويك فلي عزيز عليك،، لامارديتش دقتي را انت والداك ريفية و انا والداني يهودية
غطات لحمها و ناضت حيدت عليها ديك الكسوة و ستلقات فوق الناموسية... شعلت التلفازة بقات كدوز بيها الوقت بيدما جاها النعاس و ركدت ..
خرج من الدار نيشان للبار لي كيريح فيه مع عشرانو .. عاد فقد كبدتو ؟؟ اييه عاد فقد لي عزيز عليه.. هذا حال الناس فهاذ الدنيا ، كنكونو كنموتو على شي شخص و قريييب لينا بزاااف ولكن غير كنفقدوه بالشوية بالشوية كيبدا يخرج من قلبنا فعلا كيبقا عزيز لكن المعزة غير كافية ، آمن بلي طرا ليه و فوض امرو للله..
دخل لقا الناس كل واحد و همو.. فعلا فالبار كتقدري تلقاي كل واحد و همو و كلا ومتكي على قرعة و يشكي ليها و كاين لي ضارب الدنيا بركلة و جاي يزها و ينسا و كاين لي واخا جا ماقادش ينسا .. موسيقة خفيفة .. بانو ليه صحابو و عوج مامشاش لعندهم .. ريح فكرسي حدى الكونطوار طلب قرعة على قدها تاع جاك دانييل و بدا يخوي و يشرب .. لي شربو مكيكفيهش ... طيب حلقو و هو مازال ماطاب .. شاف فيه عدنان من البعيد اش كيدير عرف السيد غيدير شي كارتة .. ناض من وسط الجماعة و مشا لعندو .. حيد ليه القرعة من يدو لقاه ضرب فيها خير الله ..
عدنان: واا صحبناا؟؟ شهاذ الحالة؟؟
بكر ( بلسان تقيل و عينين حمريين .. كيشوف فالارض ) طللق منيي.. ارا القرعة
عدنان: اواش هيلتي ولا شنو؟؟ اشمن قرعة غنعطييك .. نوض تكعد .. غدير فينا الضحك
بكر : علىى شكووون بااقي ماضحك عليااا ؟؟؟
عدنان؛ و شكووون ضحك علك؟؟ و شكون قاد يضحك علك ..
بكر : ماراك فاهم واالو .. سيري اخا عطيني بالتتيييقار
ماعاودش معاه الهضرة عيط لبوديكارد من الباب
عدنان: شدو معايا لايطييح
البارمان بقا غير كيشوف .. جر القرعة نزلها لتحت و مد ليه عدنان خلاصو .
هزو بكر لي ولا كي الشريوطة راسو سخن علييه و عينيه كيدمعو .. حطوه فلوطو د عدنان .. طلع ديمارا و غادي بيه
عدنان: ينعل بو الحب لاكان يدير هاكا
بكر ( كيشهق) هء.. هههههه اييه مافاهم وااالو.. انا باغييها غيي ترجع .. غيي شوفة وحدة و ترجع .. واالووو ماالقيييتهااش
عدنان: و اللههههه يرحمها السيدة مشات عند لي خلقها و انت كلس ضرب فالقرعة و الكاس ..
بكر : ولديي.. ( هبطو ليه دموع حارين من عينيه) ولدييي تاهو ربي حرمني منهم هء.. هءهء
عدنان: لا حولة ولا قوة الا بالله .. دابا عاد تنادم معاك الحال.. ملي كنتي داخل للبار مالك ماشتيهمش قدامك و رجعتي للور ..
#يتبع
أنت تقرأ
مكتوب الخير
Lãng mạn~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
