ماعرفت مادير و دارتها فيد الله مشات عندو .. دخلات للبيت لقاتو كيدوش و هي خاصها تصوب العشاء .. بان ليها بزطامو فوق الطبلة حلاتو و هي تخرج عينيها .. مكين غير الزرقة . هزات ورقة و هزات كتافها و لاحت ليه بزطامو فبلاصتو
ابرار:( فنفسها) و منين بغاني نوكلو تا خبزة كارمة ماكيناش
لبسات جلابتها و هزات ليه سوارتو زدحت الباب و خرجت تقلب على ماتجيب من شي سوق .. الضلام طاح و البلاصة فين ساكنين خاااوية .. و هي تالعة فالزنقة كي الهبيلة .. لي لقاتو تسولو على السوق و لا شي بلاصة منين تقدا .
ابرار : خالتي عفاك ..
دارت مرا كبيرة حازمة راسها و وجها مكمش عندها .. كتشىف فيها و تخنزر .. وجها كيخلع سحابليها غا شي جنية
ابرار: اعود بالله من الشيطان الرجيم ...
الشارفة: مالك شفتي جنية؟
ابرار: لا خالتي .. بغيت انسولك لاجات على خاطرك .. السوق فين جا ؟
الشارفة: سيري سيري ابنتي الله يرد بك واش كيبان لك شي سوق فالليل .. لي باع باغ و لي شرا شرا .. و انت كتسولي
ابرار: ( عبسات وجها حسات براسها حمارة حيت فعلا ماكينش سوق بالليل خصوصا فمنطقة خاوية) : و شي حانوت ؟
الشارفة: سيري نيشان شتي فين كيبان لك الضوء( كتنعت ليها بصبعها )
بدات كتنعت ليها بصبعها و مرة مرة كتسكت و كتقرا شي حاجة فخاطرها ابرار مكتقدرش تفرزها
ابرار: سمحي ليا ماسمعتكش ..
ماهي الا دقائق حتا جات طايحة فالارض ماعاقلاش على راسها و الشارفة دارت فيها مابغات .. حيدات ليها دمليج دالذهب كان فيدها و حلقات فودنها و زادت الربعالاف .. خلاتها مرمية وسط الطريق و زادت خاشية راسها فالقب ..
فهاذ الاثناء كان بكر خرج من الدوش لبس حوايجو و خرج يقلب عليها ..
بكر : ابرااار...؟؟؟ ( كيزيد يقلب فالبيوتة و قلبو كيخبط الدرية صغيرة و الدنيا خاوية .. ) اااارب فين راها هاذ البنت
راها مرتو و باقي كيقول ليها بنت.. كيحس براسو غا كيخور ماعارف حتى مايقول .. بان لو ولدو كالس كيبكي هزو تيسكت فيه و ندى تحت رجليه
بكر : سكت ابابا ششش.. واش ماقالتش ليك فين مشات
ندى: لااااا بابا ... كاعما شفتها .
بكر: يا الله معايا يا الله ..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
