طلعات كتزرب هزاتو و هبطات مداتو ليه .. دخل ليها واتصاب و دار ليها الكود
بكر : شوفي .. الكود هو تاريخ مو ت علي .. ماتعطيه لتاواحد
ابرار : و علاش درتي ليه كود؟
بكر : كاين الهبيلا شي تيليفون بلا كود؟؟
ابرار : واخا .. شنو درتي اخر ؟؟
بكر : هانتي .. ها واتصاب شي لاخر من بعد نجي ونوريه لك .. المهم هذا هو لي غتحتاجي
وراها كيفاش تخدم فيه مزيان و بقا معاها حتى تعلمت دخل ليها نمرة دمها و ديالو صف ..
ابرار : شكرا هاذشي ماكنتش عارفاه كامل
بكر : ماكينش شكرا بين الراجل و مراتو .. نوضي وجدي ليا الفطور غنمشي نجمع حويجي راه قرب الوقت
ابرار : علاش انت قطعتي؟؟
بكر: واه ..
حطات التيليفون و ناضت قادات ليه الفطور و طلعت لبست حوايجها .. خرجو بجوج .. و شدو الطريق.. دوزها للدار وراها كي دايرة عجباتها بزاف .. جاية فعكبة و كطل على البحر اما من لداخل ماثتها حسن من دار تاع ناضور
ابرار: علاش ماعايشينش فيها.. عمرك قلتي ليا عندك دارك ف طنجة
بكر : مكنبغيش نعيش وسط الصداع.. ملي مكنباتش فالدار كنمشي ليها
ابرار: و لكن راه كاينة الطريق بين الناضور و طنجة مكتعياش
بكر : الخدمة مكنكشيش ليها بزاف فالغالب كنخدم من الدار ..
ابرار : عجباتني حسن من الدار لوخرى .. خلينا نعيشو فيها .. عفااك
بكر : يكون خير مهم عجباتك ..
ابرار: ااه بزااف عندك الدوق
بكر : ههه.. و غلى شنو ني خدمتي ؟
ابرار : عندك شركة
بكر : اهاه و تاعاش ؟؟
ابرار: الصراحة ماعرفتش
بكر : اودي يا ودي .. كنبيعو و نشريو فالديور و الموبلات و الفيلات جميع المباني .. فينما كيكون شي بروجي تاع شي ايقامات كنشدوهم و نبيعهم و طبعا بالبورسونطاج تاعنا
ابرار: كيفاش بورسونطاج؟
بكر : يعني النسبة .. مثلا مول لافير غادي يربح مثلا فالبروجي جوج دالمليار حنا كنشدو ليه البروجي و كنبيعوه ليه و كناخدو البروسونطاج تاعنا . فهمتي دابا
ابرار : همم.. بحال سمسار ؟؟
بكر : تتتت و يا الله شو دابا .. واخا لالة حنا سمسارا بروماكس صف؟
ابرار : باراكا من الطنز راني داوية معاك بصح
بكر : و راه هي هادي .. واش حنا عندنا فروع فتركيا ايطاليا ارلندا و المغرب و انت كتقولي ليا سمسار منيتك
ابرار : حلففف.. تا فايطليا ؟؟
بكر : وااه .. المهم خاصني نديك عند السيدة لي فسيارة التعليم و ندوزو للشركة.. حيت عندنا اجتماع .. هاكي السوارت و يا الله .
#يتبع
أنت تقرأ
مكتوب الخير
Romansa~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
