المراة: بنتي .. خاصك شي مساعدة؟ابرار ( مسحات وجها ) لا لالة شكرا
المراة: حالتك حالة ابنتي .. خليني نساعدك
شافت فيها شحال و بقات كضحك بهستيرية ..
ابرار: ههههههه تساعدينييي؟؟ كاع الناس لي حدايا ماساعدونيش و انت زعما غتساعديني هههه و بغيتيني نتيقك ( بقات المرا غير كتشوف فيها مبلوكية ) بعدو منييييي عطيييونييي بالتييييقااااار اانااا..( ناضت وقفات كضرب فسدرها ) اناااا قققتلت ولدييي ... عرفتييي شنو هي ولدييي ( هبطو الدموع من عينيها محجرين ) ولديييي عطاااه ليا ربييي و انااا قققتلللتوووو هءهءهءهءه اربيييي ... اربيييي شهااااااذ شيييي درررت هظهظهءهءه الله ياخد فيييهم الحقققق هءهءهءهءهء دعيييتهم الله ياخد لي حقي منهم
قالك مايحس بالمزود غير لي مخبوط بييه شداتها على سدرها و بقات كطبطب عليها
المراة: مضيووومة ابنيتي بكي و شكييي
بقاو معانقين هاكاك كيتباكاو بجوج حتا سالاو على خاطرهم و فشو قلوبهم .
المراة: صافا دابا شويا؟
ابرار ( بعدات عليها شوية كتمسح دموعها ): الحمد الله .. سمحي ليا ماعرفتكش شكون
المراة: كنت دايزة و بنتي ليا فديك الحالة قلت ممكن تكوني محتاجة لشي مساعدة
ابرار : الله يكثر خيرك .. ماعرفت لا فين ولا عندمن نعطي الراس
المراة: مرحبا بك ابنتي عندي فداري .. انا وحيدة ساكنك بوحدي لابغيتي تعيشي معايا
ابرار : لالا .. ماجاتش نتقل علك .. انا نشوف فين نمشي
المراة : مانقدرش ابنتي نخليك بوحدك هنا .. عتمشي معايا حتى تولي لاباس و توقفي على رجلك راك عاد طيحتي
ماخلات ليها ماتقول و واخا دير فيها عزة نفسي ماعندها بصح فين تمشي و حتى الى بغات دير ليها شي حاجة راه ممكن يطرا ليها ماكفس فداك الخلا و غا وحدها .
ركبت معاها فالطوموبيل بقات غادة حتى خرجت عاى المدينة و بدات كدخل للعروبية .. كامت فيرمة كبيرة مجهزة بكلشي بقات غير كتشوف فيها و ضور فعينيها
ابرار: دارك هادي ؟
المراة: الى قبلتي عليا هههه
ابرار: ماشاء الله تبارك الرحمان
المراة: نزلي نزلي
هبطو كيتمشاو فالجردة باش يبدهلو للدار و يدردشو
المراة: ماقلتيش ليا شنو سميتك ؟
ابرار: سميتي ابرار . وانت؟
الامراة: بهيجة
ابرار: سميتك زوينة
بهيجة: ربي يخليك .. سميتك شنو كتعني
ابرار : جامع بين الصدق و الطهارة و الطاعة
بهيجة: اييه ابنتي .. طعتيه و خلاك
ابرار: لا غير خرج عليا هه
بهيجة: نساي دابا هدشي .. مرحبا بك فداري
#يتبع

أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...