تعاشات العشية ناض بكر بدل عليه و هز سوارتو .. طل عليها لقاها كتصبن فالحوايج
بكر: هاني مشيت
ابرار: الله يسسههل
غير خرج ناضت طارت بدوك الشراوط دغيا دوزتهم و مشات هزت تيليفونها ضورت النمرة لتيليفون دمها .. عارفة بلي فديك الوقيتة غيكون عند زهرة .. غير جوبتها نقزت بالفرحة
ابرار: الوو.. زهرة.. هادي انااا ابراار
زهرة: الو ختييي لباس عليييك
ابرار: حمد الله و انت كيبقيتوو
زهرة: الحمد الله اختي.. واش هادي نمرتك
ابرار: ااه شرا ليا تيليفون و وراني كيفاش نخدم فيه .. و عيطت نسول فيكم
زهرة: توحشتك اختي.. عرفتي كاع الحوايج لي جبتي ليا حمقو البناات كلشي باغي يتسلف من عندي
ابرار: سمعيني نقووولك.. شرويييطة وحدة ماتعطيييهاااش راه المسمومات كثااار
زهرة: واخا ختي.. ها ماما كتعي ندوزها لك
ابرار: لاا.. بسلامة
قطعات التيليفون بللاما تحرك فيها تا درة من جهة مها ..
ابرار: على قبل كلب دالخلا خلاوني ..
تعاشات العشية و طاحت الضلمة .. بكر وصل للبار سول الدراري لي خدامين تما قالو ليه مازال ماجا.. ريح كيتسناه فيحين عدنان صايك اللوطو و مضارب مع طيلي يشارجيه حيت طفا لو .. عوج الروايض لعند بكر للدار .. على اساس يكون باقي ما خرج و يمشي معاه
لبسات كسوة بيضة دالسطان و مشطات داك السالف لي عندها خلاتو مطلوق .. تكات فالنموسية و شعلت التلفازة كتفرج حتى كتسمع الدقان .. نقصات الصوت كتاكد من لي سمعات.. بكر عندو السوارت و غالبا مغيباتش فالدار .. طلات من السرجم بلاما تشعل الضوء و هي تلمح اللوطو د عدنان .. عضات على شفيفهت و لاحت عليها بينوار من الفوق حزمات غير الحزام مرخوف و خلات كلشي كيبان .. هبطات دارت راسها كانت ناعسة و مبوقة
ابرار: شكووون
ماسمعت حد رد عليها .. قربت حتال الباب و قالت
ابرار: بلاتيييي
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
