كيفكر و يبلاني الى ماسدقش ليه البلان كيفاش يقدر يتفك منو .. ناوي يديرها فيد الله .. اهم شيء يفك البنات من تما ..
رجعو بذاكراتهم للحاضر .. شافت فيه و قربات الكرسي حداه .. حطات راسها على صدرو .. الصدر ليكان ديما معاها و فجنبها .. صيفطو ليها ربي كي درهم دالحلال . حط يدو على شعرها و بدا كيلعب فيه
بكر : ماتخافي والو .. انا معاك.. ماقلتيش ليا ..
ڤيليشيا: وي ؟؟
بكر : ملي باغا تهربي فين باغا تمشي ؟؟
ڤيليشيا: ماعرفتش.. الى رجعت لاوكرانيا ساهل يلقاوني
بكر : تجي للمغرب؟
ڤيليشيا :(هزات راسها فيه بتعجب)عمرني فكرت فيها مكنعرفش للمغربية
بكر : ماعليش.. نعلمها لك
حدرات راسها و بقات متكية عليه .. شحاال و هوما ساكتين .. كيكمي و يبخ عليها و مرة مرة يشرب من القرعة
ڤيليشيا : بكر.. علاش كدير معايا هدشي
بكر 😞 نتر من جوانو و بخ فالسماء) ماعرفتش.. مهم ديما بالي معاك خاصني نعتقك ..
ڤيليشيا: نتيق بهاذ الهضرة تاعك ؟ ولا كاينة شي حاجة اخرى
بكر ( طلع حاجة و مزل لاخر ) بحالاش؟
ڤيليشيا: ماعرفتش مثلا تكون كت.. بغيني
بكر 😞 قاطعها ) مكنبغيكش .. غير رتاحي .. انا راجل مزوج و بولادي .. كون كنت كنبغيك غنقولها لك ..
بلعات ريقها و سكتات مابقا عندها ماتزيد تعرف .. اهم حاجة عرفاتها ..
شخصية معقدة .. مزوج بوحدة و مكيبغيهاش و عقلو مع المرحومة و كالس مع وحدة مكيعرف عليها والو و باغي يعاونها .. كيفاش الناس غيفهموه و هو مافاهمش راسو .. راسو شعل فيه الضوء ملي طاحو ليه هاذ الثلاثة فبالو .. طفا الجوان و هز ليها راسها باش ينوض
ڤيليشيا ( هزات راسها فيه ) : غتمشي؟
بكر : اه ..
ڤيليشيا: ( بعينين عامرين ترجي) عفاك بات معايا
بكر : لا .. مرتي كتسناني ..
ناض كيهز فحويجو و كيقلب لا ينسا شي حاجة و هي تقرب ليه بقوة و حطات شنايفها على شنايفو .. زيرات عليه بحر جهدها .. كيجي مرة و يغبر عليها عام.. بالنسبة ليها بكر هو الشخص الوحيد لي زوين فهاذ الحياة و فيه الانسانية .. علقات قلبها و عقلها بيه .. كتبقا ديما تسناه حتى كتفقد الامل و يعاود يبان فحياتها . حتى كتقول نسااني و نسا الىعد لي عطاني و كيرجع عندها ..
شدها من راسها و بقا مورك عليها بدورو كقبل فشنايفها بكل شغف .و طلق منها كيلهتو بجوج
بكر : اخر مرة تقربي .. خليك بعيدة
#يتبع
أنت تقرأ
مكتوب الخير
عاطفية~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
