مشا بالزربة ليها مافهم تا حاجة ياك غير دفع الباب مالها على هاذ السينيما كاملة .. كيقيسها فحناكها باش تفيق .. جايحركها و هو يبان ليه الدم فالارض .. كانت صدمة حيت ممكن يكون قتلها .. هزها فيدو و خرج متيس فالدار غادي للوطو .. نسا راه حفيان ونسا البزطام و السوارت .. رجع بالزربة كيقلب عليهم.. لقاهم محطوطين فوق الطبلة .. تتفس البجهد كيحس بالبخار خارج من ودنيه
بكر: شهاذ الحالة .
بقا مورك و مرة مرة يضور يشوف واش كتنفس.. كيدعي فخاطرو ماطرا ليها والو و الا.. والااااا؟؟؟ والا غيتجبدو ضواسيه القدام قدام المخزن .. لي حاول يدفنو كيحس بلي راه قريب يتجبد .
وصل للكلينيك فين ناعسة ندى.. جاو عندو الفرمليات كيعونو فيه .. خداوها و دخلوها يفحصوها و يحبسو النزيف .
داز عند ندى يشوف حالتها و لقى الدكتور عاد سالا من الفحص تاعها..
بكر : دكتور .. السلام عليكم
الدكتور : عليكم السلام ..
بكر : كيبقات ؟
الدكتور ( دار شاف فيها و عاود شاف فيه بابتسامة) الحمد الله .. مكينينش مضاعفات لحد الساعة.. و حالتها كتحسن نهار على نهار .. من هنا للخر دالسيمانة حالتها غتسترجع حالتها القديمة بادن الله ... غير هن فاش درنا التحاليل .. راه الريحة لي شمات مسمومة مزال ماعرفتو شكون دار ليها هاكاك
بكر 😞 شاف فالارض مزيااان و عاود شاف فيه ) يكون خير انشاء الله شكرا
مشا الدكتور يشوف المرضى لوخرين رو بقا بكر ساارح بذاكرتو .. سها و رجع خمس سنين للوراء .
قبل سنييين
الشتاء و البرد.. الريح كيطير .. و بالضبط فمدينة الناظور .. هربانين و كيلهتو .. كلشي تفرق كانو بيهم شي خمسة .. هاكا باش لي تابعينهم مايعرفوهمش بالضبط فين مشاو .
..: الى مشاو تا شدونا غنعتارفو ليهم . انا عندي الوليد كيموت و انت باك هذا ماعندو مايدير ..
...: بكر .. راك داوي منيتك.. و الله وشدونا لاعقلو لا عليا لا علك با وانا كنعرفو .
بكر : ببلللع فمك.. كنسمع الصوت .. ماعرفتش
تقرقيب دالصبابط .. و الخطاوي كثرو و كيقربو منهم ... البرد ولا سخونية و جسمو مابقاش كاع كيحس بشي حاجة سميتها البرد .. حس بالخطر و هو يعمر السلاح تحسبا لاي هجوم .. مع غحرك يدو و يشدها لو واحد من اللور كرازاها مع ضهرو تالاح لي فيديه
...: طرتي حتى طرتي و شديناك .. فين مازال ؟
بكر : شنو بغيتو ؟
..: باغين دكشي لي هربان على قبلو.
بكر : قوليه يطلق
اشار ليه بعينيه و طلق منو
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
