ملي دخلو للدار و ني قابطة ركنة و ساكتة .. غسل طرف دالعنب و كلس مسرح كيتفرج فالتلفازة ..
بكر 😞 نطق بلاما يشوف فيها ) ماكين غدا؟
ابرار : شنو بغيتي ؟
بكر : راه جبت اللحم ديري شي طجين بالبصلة و الزبيب ولا مانيش عارف راك قادة بصوالحك
ابرار : واخا
ناضت طلعت لبيتها كتمشا بعياء .. حيدت يحويجها و لبست بيجامة طويلة فالباج مع صنضالة دالصبع بيضة .. جمعات شعرها بقراصة و بقاو خارجين منو شي زغيبات .. هبطات خدات من عندو الزبل دالعنب و هو يجرها جابها كالسة فوقو
بكر : ( كيحيد ليها الزغيبات على وجها ) مال الشمكارة مخزرة ... واقيلة انا لي شوهت بيها
ابرار ( جامعة راسها و مهبطة راسها ): لا انا
بكر: ايوا مالنا على التبوحيط فعوط ماطلبي السماحة كديري هاكا
ابرار ( شافت فيه و ديمارات ): و انت سمعتيها اش قالت ؟؟ لااا .. اذا انا غنقولك
بكر : ( تقاد فالنعسة ) ايه قولي لي نسمع هانييي..
ابرار : انا كندوور .. ياك انت لي قلتي ليا خرجي .. مهم ... سمعتها قالت انا برهوووشة .. و ماجيتش معااك .. و كنبان قد ولادك ( شافت ف علي فالارض كيلعب ) واش انا قد عليي ؟؟
بكر( طانز عليها ): لاااا هو لي قدك
ابرار: واا بكر سمع نكمل لك ..
بكر : اهاه كملي .. شنو قالت لك ثاني
ابرار : ااا..(كتفكر ).. قالت ماجيتش معاك ... صف
بكر : صف .. و مضتي يا القملة درتي فيها ديك الحالة ( كيقلب ليها فيدها).. دابا هاذ ليدين دارو ديك الحالة
ابرار( كتلعب بعينيها ): اااه
بكر : احح.. هي تا انا غيطرا لي بحالها
ابرار: لاا اويلي .. انت تغلبني .. هي دايرة بحال عود الند
بكر : ههههههههههه .. لا ا ابرار كندوي ملي غنتكيك
ابرار: هاء ( قلبات وجها ) انا نوض نطيب لك
بكر : بوسي بعداا عاد نوضي
مد ليها حنكو باستو فيه و هو يجرها طبع ليها بوسة ففمها
بكر : دوشي لعلي و بدلي ليه
ابرار ( جمعت الوقفة): واخا
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
