نهار جديد على ابطالنا .. كل واحد و لين الوجهة تاعو. ناضت ايناس بكري كلها طاقة و حماس .. طلقات فيروز فالبيت تاعها و دخلات خدات ليها احسن دوش رتاحت فيه مزيان و خرجات لاوية عليها فوطة ووحدة فراسها كتنشف فيه .. لبسات دوبياس فالابيض و اللبسة لي ختارت فالليل .. نشفات شعرها و دارت ميكاب خفيف لكن ركزات فيه على العينين. سرحات شعرها و خلاتو مطلوق .. لبسات لي صونضال تاعها و نزلت لقات عزيز كيشرب قهوتو
عزيز : صباح النور
ايناس (باست ليه على يدو ): صباح النور
عزيز : كلسي تفطري
ايناس: هي لي ماتعاودش ههه..
عزيز : شنو عندك هاذ النهار ؟
ايناس( كدهن فالخبز ): امم.. عندي الشونتيي نطلع عليه نشوف الخدمة كيف دايرة فيه و من بعد نطلع للشركة نشوف شنو تزاد شنو تنقص
عزيز : مزيان .. اللهما يسر .. غتمشي بوحدك ؟
ايناس:ماعرفتش.. الى كان بكر حتى هو نقدر نجرو يمشي معايا
عزيز : من الاحسن مايمشيش معاك.. شغلك قديه راسك .. فيه قوة الفهامات بلا والو
ايناس : ههه لا واخا هاكاك .. بعد المرات كيجيب شي افكار زوينين ماخرا بدا كيعمر مي قبل لاا
عزيز: اوا انت تعرفي
ايناس: انت مغدوزش ؟
عزيز: لا لا مكنفكرش اليوم .. خصني نمشي لطنجة نشوف الڤيلا واش باقين معطلين فيها
ايناس: اباراكا عليك من الديور عيش حياتك .. تبارك الله دارك يحرك فيها العود
عزيز: دكشي غترحميني عليه ملي نموت
ايناس: الله يطول ليا فعمرك ا بابا ماتقولش هاكاك
مسحات فمها و ناضت سلمت عليه و خرجت ديمارات اللوطو نيشان للشونتيي دوز فيه الوقت علاما توصلها الخبار بلي بكر دخل للشركة
لبسات كسوة فالابيض مع زيف كري و دارت صاكها .. قادات لبكر قاميجتو و نفضت ليه على الكتاف
ابرار : صف دابا مزيان
بكر : وكلتي بكر ؟
ابرار: واه .. غير خلينا ندويه معانا كنخاف لاطرا ليه شي حاجة
بكر : راه كنبقا مراقبو من تيليفون .. و دار ختي قريبة اي حاجة طرا نصوني ليها
ابرار : و الى جاه الجوه؟
بكر : مغنتعطلوش غير يا الله
#يتبع
أنت تقرأ
مكتوب الخير
عاطفية~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
