مشات كدور فلي بوسط و تشوف لي خدام من لي لا بانت ليها الدرية لي ضاربت معاها ابرار مكيناش
ايناس: فخاطرها): هه جرا عليها ..
كملات طريقعا كدوز فالوقت علاما وصلت وقيتة دالغدا و دخلات عندو ثاني للبيرو .. لقاتو متكي على الكرسي و كيهضر من ندى فطيلي
ايناس:(بالشوية): اوببسسس ديزولي ماسحابليش كتهضر
بكر : واخا حبيبة .. ملي ندوز عندك نجيبها لك دابا خصني نمشي نخدم
ندى : اوكي بابا باي باااي
قطع و رما الطيلي على البيرو مخنزر فيها
بكر : شنو كاين تاني وقيتة دالبوز يمكن
ايناس: ايكزااكطومون .. وقلت نشرك الطعام انا و شريكي
بكر : عمرني كليت معاك؟
ايناس: اممم وييي.. ( وقفات حداه متكية على البيرو و دايرة يدها فالجناب) واحد النخار كنتي جيتي عند بابا و انا كنت مازالة كنقرا و كنت كناكل فالجردة و كليتي معايا
بكر : هادي عقلتي عليها و القتلة دالكلاب لي كليتي ماعقلتيش عليها
ايناس: ههه سييي عاقلة جوج مرات مرة درت علاش و مرا مادرتش
بكر: لا راك كديري ديما و مكنضلمكش سيري فرقيني علك راني ماشي كدك
ايناس: و هاديك لي مزوج بيها قدك ؟
بكر ( شدها من دراعها و زير ): ماتجبديهاش على فمك المسخة سمعتي؟؟
ايناس: اييي طللق منييي.. انا جيت نتغدا معاك باش نبداو صفحة جديدة ..
بكر : انت اخر وحدة تفكر فالصلح سيري سيري عندي ولادي و مرتي كيتسناووني مامساليش لك
ناض وقف كيجمع قشو و هي تحط يديها عليه ملون و عنقات موركة ..ً
ايناس: عارفة عمرك مغتكون معايا و لكن راه بصح كنبغيك .. عطيني غير فرصة
قلب عينيه بملل و ضار شدها من يدها .. انفاسهم قريبة و هي نفسها سخون بالحب و الهوس و هو بالاعصاب و الكره .. وجها مقابل مع وجهو كيشوف فرق كبييير و لاا مجال للمقارنة بينها و بين ابرار .. كيحس بالسم نازع من وجها و الشرف بالماكياج واخا ماشي هذاك هو سنها الا انها كتبان شارفة وجها كولو مسبوغ و ملصق.. هبط عينيه و هوما يطيحو فسدرها .. حالة المونطو مخلياه كاع كيبان .. عاود هز عينو شاف فيها و خدا الحزام عاود حلو و حزمو مزياااا .. كيشوف فيها مغدد سنانو
بكر :ستري روووحك
هز قشو و تجاكيتو و خرج خلاها تما مخربقة واش تفرح لي الكونطاكط بيناتهم كان قريييب و لا كيفاش حزم الحزام و لاا كيفاش مشا وخلاها .. ركب لوطو تاعو نزل فسوبر مارشي خدا الموناضا و السكاطة و بواطة دالشكلاط ل ابرار .. كمل طريقو للدار لقاها كملات شغلها و حاطة علي قبالتها و مربعة فالارض كتقرا فالقران تسناها تا كملت و قرب ليها .. هزات عينها فيه و سدات المصحف .. مد ليها يدو هزها و تعلات طبعات بوسة خفيفة فعنقو
أنت تقرأ
مكتوب الخير
Romantik~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
