حلات الڤوكال قراتو و ردات عليه كتبة " نسالي و نجوبك " مع صيفطاتو طفات الطيلي مع حلو قراه رما تيليفون فوق النمووسية تا دار جوج مرات فالسماء ..
بكر : انا غنوريييي اصلك
ناض كيلبس حوايجو و يوجد راسو ناوي على خزيت .. لبسات حويجها سروال تاع الجلد اسود و طريكو بالعنق بيض .. دارت نصاضرها و خرجتت شدت طاكسي نيشان للشركة .. عندها مخطط اليوم تكملو .. عارفك بلي ايناس باغا تخورها .. لا بكر ولا عدنان نبهوها منها و كيفما بغات تستغلها غتسدق هي لي مستغلاها .. قالك قول لكلبك سيدي تا تقدي فيه غراضك.. دكشي لي دارت بقات كتمسكن ل ايناس تا علامتها جميع التقالي و ضرصو الخطة مزياااان ... غادي يديو لبكر الحمل بما جمل و يخليوه على الضص كلشي فيد ابرار لا الطابع ولا الوراق وحتى من السوارت دالكوفر مخليهم ليها ... دخلات للشركة بلاما يشوفها حتى واحد ولا يرد ليها لبال.. عارفة بلي ايناس مغتجيش فديك الوقيتة لنها دارت معاها تال الحضاش .. لقات المنضفة عاد سالات من المكتب .. خلات ليها الباب و دخلات سداتو من موراها في حيت السكرتيرة مكانتش فبيوها .. دغيا سورتات الباب حيدات صاكها و نضاضرها و دخلت ليها للبيسي .. دخلات للبلاصة فين كتحلي لي كود خدات ليها الكود و فتحات الحساب حولت جميع اسهمها فاسم بكر و تيرات الوراق .. قلبات على الطابع مالقاتوش بقات كتحل فالمجورة و تقلب حتى لقاتو فواحد الكرطونة حيت مكتستعملوش بزاف و معاه شي وراق و مستندات ... هزات كلشي طبعات الوراق و نزات حتى الطابع داتو معاها .. جات تخرج من البيرو و مي تصادف مع السكرتيرة
السكرتيرة: مادام الفيلالي؟؟
ابرار:( بتلعتم) اا.. اا جيت وقلب على مادموزيل ايناس الساعة باقا ماجات .. و بقاي تكلسي فبيرووك ..
حمرات فيها و زادت خلاتها كتفتف .. دخلات للبيرو تاعها سدت عليها البيرو و حلات البيسي كتبقش فيه حتى لقات طريقة كيفاش تحول دوك الاسهم من اسم بكر لاسمها لان مكتعتابرش شريكة معاهم و انما عضو فالشركة و بكر هو لي عندو الحق يدوز لي بريم و الاسهم الموضفين ..
تيرات جميع الوراق لي غتحتاج و هزات وراقها و خرجت من الشركة لقات عدنان تا هو داخل حراتو من دراعو و حل الباب دالطومىبيل و ركبت
ابرار : طلع سربييي
عدنان : شكااااين؟؟
قشعات ايناس كتبلاصي طومىبيلتها و هي تغوت فوجهوو
ابرار : وااا ططططلللللعععععع سربيييي بغيت لك الكلاب ياكلووك
#يتبع
أنت تقرأ
مكتوب الخير
Romantik~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
