لبس و رجع للبوزيسون ديالو .. واحد الساعة خرج عندو عدنان و رد الباب بالشوية .. وقف حداه و هو يمد ليه بكر كارو ديالو شاعل .. نتر منو و بقا شادو فيدو
بكر : اش تما ؟
عدنان :جبدتها ليها ولكن خاص الطبيب ضروري تقدر تعفن انا مكنفهمش فهذشي مزيان
بكر :(حدر راسو ): منين غنجيبو هاذ الطبيب ؟
عدنان : عندي واحد العشيرة مغربية خدامة فرملية .. صونيت ليها قاتليا اليوم ماتقدرش وكن غدا فالصباح تجي بكري
بكر : جيبها انت .. ماتيقش
عدنان: كون هاني ( طفا الكارو مع الحيط و رماه بصبعو)
بكر : دخل تبات دخل ..
عدنان : لالا غا خليك مع مالين الدار مرتاح انا مبات فطومىبيل تال الصباح
بكر : ( جرو ) اددخل اصاحبي شمن لوطو ولا نميي
طلع عند ابرار لقاها كتكمع و علي حداها راكد .. هز جوج غطاوات و خدية نزلهم لعدنان و طلع عند ابرار
بدا كينصل فحويجو باش يبدلهم و هي تقلبات للجهة دالحيط مابغاتش تشوف فيه .. كمل و مشا هز علي حطو فالكونة و جر عليهم الغطاء .. طلق نفس عميق و جرهالعندها خشاها فحضنو
مغمضة عينيها و كارزة عليهم .. لكن ماقداتش تزيد تصبر
ابرار : عفاك طلق مني فيك شي ريحة خانزة .. فيك ريحة دالزبالة
بكر ( ناض تكعد و بدا يشم فراسو ) : شناوااا ؟؟؟ ريحة الزبالة ؟؟ ياكما بنت لك خدام فالبراكص و لابس شي دربالة كنبوعر فالزبل
ابرار : ماعرت .. تقدر تعوم روعتيلي قلبي
دارها ليها على قد فمها حتى هو مين كان محتاج داك الدوش.. مادارش فيه خمسة دالقائق و خرج عندها فازك كيقطر .. نشف عليه و لبس بوكسر ديالو و تخشا حداها ..
ابرار : امم دابا مازال واه
بكر : مزيان يا الله نعسي .
شافت فيه بعينين غيدمعو ى طفات الضوء .. غير ولا الضلام فالبيت ماعرفت كيفاش تالقات راسها وسط منو و كارز عليها
بكر ( باس ليها على راسها ) سمحيلي .. مانبغيش لي يشوف زينك.. طلگيه لي وحدي
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
