ضحكات بالطنز و جرات معاها ابرار لبيت امرتها تلبس الكسوة و الماكياج و هي غير كتشوف و شاداها البكية باغا غير لي يعاونها و البيبان مسدودين حيت باقي الكليان مابداو يجيو .. قادات ليها الميكاب جاها خطير و برز جمالها و حتى الكسوة طراساتها و بينات جمال فورمتها واخا صغيرك ولكن كتبان خطيرة
اسماء : سمعي نعطيك واحد النصيحة ( جبدت دوا من المجر على شكل اقراص و مداتو ليها ) هذا غينفعك بزاااف و عننننداك تخلي شي واحد يجيبو فك .. ( مدات ليها كاس دالماا) شدي شربي.. ماتعرفي شنو كاين
ابرار: شنو هدشي رااكم دوختونييي شنو مطلوب منيي و فين عي ختي بهيجة
اسماء: هههههه ختك بهيجة عهههههههه ههههههههههههه قاتلك ختي فراسك وليتي ق.حبة دابا ههههه واش لي ختك غدير فك هاذ الحالة نوضي ازين راه الحال قرب و ختك مغتشوفيها حتى تكون كتبيع و تشري فك ..
ابرار: كيييفاااش.. ختي عفااك الى ماعونيني اوا ماشي تاع هدشي واليديا لاحصلوني غيقت لوني
اسماء:كلنا واليدينا لاحونا و حنا هنا كلنا بحال بحال و كل وحدة و شنو طرا ليها انا ماعرفتش شنو طرا لك و لا كيفاش كيفاش تلاقيتي بديك الق وادة د بهيجة و لكن تقبلي الواقع .. و ملي غيبغيك شي واحد و غتهربي غيشدوك يتكرفصو علك دوك البهايم لي واقفين على الباب النصيحة الثانية ماتهربيش حيت غتعيشي العداب
ابرار : لالا مااانقددرششش و الله
اسماء( قلبات عينيها بتعب) ختي شوفي انا هدشي كاااامل ماطالع ليا منو وااالو ديري لي قتلك و لا ضبري لك.رك
حطات ليها دكشي و خرجات خلاتها كتشوف فراسها فالمراية و تبكي ..
ابرار: انا و الله ما نصلاح لهدشيي.. اويييلي شنووو درررت اربييي
بقات هاكاك لي كدخل تبدل كتشوف فيها و تفكر حالها اول نهار كي كانت ...بنادم بدا كيجي و البار بدا كيعمر .. صيفطو عياو مايتسناو فيها فالثالي صيفطو ليها بوديكارد دالباب دخل بلما يدق الباب
البوديكارد : الدريات كيتسناوك
ابرار : عفاك اخريا عاوني انا ماشي تاع هدشي
فهم بلي مقصحة راسها و ماشي عندها شي حاجة جرها من دراعها و نوضها
البوديكارد : تكعدي و سيري سعاي فالجامع اما هنا غتخدمي الق.حبة
زادت قدامو كتجرجر ماقداتش تعاند حيت الهضرة لي قالت ليها اسماء رعباتها و خصوصا جديدة على هاذ العالم و ماعارفا فيه والو .. وقفها خدا البنات و مشا ..
اسماء: قتلك تجي بخاطرك هه
ابرار ( مهبطة راسها لا يشوفها شي واحد ): ختي عاونيني عفاك
اسماء: ههه لا حولة الصراحة خاصك شي ملخة دالعصى باش تفهمي شنو كنشرح لك مهم راها ختك بهيجة ههههه
غير سمعت سميتها و هي ضور بالزربة و مشات عندها كتعكل بالطالون حيت مامولفاش بين .. شدت ليها فيدها
ابرار: ختي بهيجة حرام علك درتي فيا هاكا انا تقت فك
بهيجة ( دايرة يدها على الكونطوار و كتلعب بضفرانها) مزيان يطرا لك هادشي باش تعرفي بلي الى مابغاوكش واليديك راه ما كين لي يبغيك .. هه داركم و لاحوك و كتخايليني انا لي عرفتيني ماعرت شحال نعاونك هبييلة انت ..
ابرار : ولكن انا ما درت لك والو علاش ديري فيا هاكا
اسماء( جراتها من دراعها ): تا هي مادارو ليها والو و خدمت واحد النهار بحالك ..
بهيجة ( خنزرت فيهم بجوج و شعلت كارو): ديها و قو دو عليا بجوج بيكم .. تفووو تريكة الح وا من السوا
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
